Samalot z častkaj rasijskaj delehacyi tak i nie pryziamliŭsia ŭ Sočy
Samalot z častkaj rasijskaj delehacyi tak i nie pryziamliŭsia ŭ Sočy, piša BIEŁTA.
Alaksandr Łukašenka i Uładzimir Pucin sam-nasam pravodziać pieramovy ŭ Krasnaj Palanie ŭ farmacie rabočaha śniadanku.
Častka rasijskaj delehacyi tak i nie zmahła prybyć u Sočy. Pryčyna — składanyja ŭmovy nadvorja. U vyniku bort adpravili ŭ aeraport Minieralnyja Vody.
Raniej sa spasyłkaj na TASS paviedamlałasia, što samalot śpiecyjalnaha lotnaha atrada «Rasija», na jakim znachodzicca častka uradavaj delehacyi i žurnalisty rasijskaha prezidenckaha puła, vylecieŭ z Maskvy ŭ Sočy na pieramovy prezidentaŭ Rasii i Biełarusi z dvuchhadzinnaj zatrymkaj. Na borcie samalota znachodziacca vice-premjer Alaksiej Aviarčuk, ministr enierhietyki Alaksandr Novak i pieršy namieśnik ministra ekanamičnaha raźvićcia Michaił Babič.
Kamientary