Z 16 sakavika ŭrad Ispanii płanuje ŭvieści ŭ krainie ŭsieahulny karancin z-za raspaŭsiudžvańnia COVID-19, paviedamlaje Reuters.
Urad Ispanii płanuje 14 sakavika ŭvieści žorstkija abmiežavańni pa pieramiaščeńni 46 młn čałaviek, abviaściŭšy dvuchtydniovaje nadzvyčajnaje stanovišča.
U prajekcie pastanovy havorycca, što ŭsie žychary Ispanii nie pavinny vychodzić z domu, akramia jak dla pakupki ježy, naviedvańnia apteki, balnicy, pracy ci inšych ekstranych vypadkaŭ.
Kolkaść hramadskaha transpartu skarociać, ale całkam jaho pakul što spyniać nie źbirajucca.
Ispanija taksama zakryvaje ŭsie škoły, univiersitety, restarany, bary i haścinicy pa ŭsioj krainie, a taksama druharadnyja kramy.
Pastanova ab karancinie ŭ Ispanii ŭstupić u siłu a 8 ranicy pa miascovym časie 16 sakavika.
Pavodle apošnich źviestak, u Ispanii zachvareli na karanavirus bolš za 6 tysiač čałaviek, bolš za 190 ź ich pamierli.
Kamientary