Pra heta «NN» paviedamiŭ hałoŭny doktar Kapylskaj rajonnaj balnicy Siarhiej Paciajkovič. Jon patłumačyŭ, što heta robicca ŭ metach prafiłaktyki.
Fota minpravda.by.
Na pytańnie, ci aznačaje heta, što daktary buduć 14 dzion žyć i pracavać u balnicy, jon skazaŭ: «Kaniečnie». Pry hetym Siarhiej Paciajkovič zaznačyŭ, što nie ŭsie daktary źmieščanyja na karancin.
Pra situacyju z karanavirusam hałoŭny ŭrač «rajonki» admoviŭsia havaryć.
29 sakavika miedrabotniki ŭ kaściumach śpiecabarony naviedvalisia ŭ chaty žycharoŭ Novych Doktaravičaŭ, Doktaravičaŭ i Vuhłoŭ. Paśla hetaha niekalkich čałaviek zabrali va ŭstanovy Minska, Barysava i Kapyla.
Kapylskaja rajonnaja balnica da 20 krasavika spyniła płanavyja miedyčnyja ahlady. Sajt miascovaj rajonnaj haziety «Słava pracy» ničoha nie paviedamlaje pra situacyju z karanavirusam u rehijonie.
Čytajcie. «Pryjechaŭ syn-dalnabojščyk, paśla Valu zabrali ŭ balnicu». Što adbyvajecca ŭ Doktaravičach na Kapylščynie?
