Pravavuju acenku dziejańniam udzielnikaŭ akcyi 25 sakavika, jakija spalvali partrety prezidenta, daść prakuratura.
Pra heta zajaviŭ žurnalistam u Minsku 27 sakavika ministr unutranych spraŭ Biełarusi Uładzimir Navumaŭ.
Pavodle jaho słoŭ, fakt spalvańnia partretaŭ kiraŭnika dziaržavy na akcyi apazicyi zafiksavany na videa. Ciapier hetyja materyjały vyvučajucca i zatym buduć pieradadzieny ŭ prakuraturu dla vyniasieńnia pravavoj adznaki.
Naohuł, jak ličyć kiraŭnik MUS, «ničoha surjoznaha nie adbyłosia».«Dla nas było nie nova, što peŭnaja hrupa budzie damahacca sutyknieńnia ź milicyjaj, kab pakazać heta jak słabaje demakratyčnaje raźvićcio», — skazaŭ Navumaŭ.
Pavodle jaho słoŭ, takija mierapryjemstvy ŭsio bolš «vyłučajucca tym», što ŭ ich udzielničajuć niekatoryja «jarka vyražanyja asoby, jakija i sami časam zabyvajuć, dla čaho sabralisia i jakuju metu pry hetym stavili, čamu pryśviečana heta data». Ich, jak ličyć ministr, cikavić «tolki adno — jak by sutyknucca i pachulihanić».
Navumaŭ taksama dadaŭ, što jamu, jak prachožamu, było b niepryjemna sustreć u centry horadu hrupu ludziej, jakija niešta skandujuć.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada16
Kamientary