Pieršaja namieśnica kiraŭnika Administracyi prezidenta Natalla Piatkievič i namieśnik staršyni Biełteleradyjokampanii Alaksandr Martynienka pažanilisia. Cyrymonija adbyłasia 27 sakavika a 10‑j u Minskim haradskim domie šlubaŭ, što na Kamunistyčnaj.
Pieršaja namieśnica kiraŭnika Administracyi prezidenta Natalla Piatkievič i namieśnik staršyni Biełteleradyjokampanii Alaksandr Martynienka źviazali svajo žyćcio vuzami šlubu.
Cyrymonija adbyłasia 27 sakavika a 10‑j u Minskim haradskim domie šlubaŭ na vulicy Kamunistyčnaj.
Hetaja padzieja abodvuma bakami nie afišavałasia.
«Salidarnaść» daznałasia pra jaje ŭsiaho tolki za dziesiać chvilin da pačatku cyrymonii. Tamu, pryjechaŭšy ŭ Dom šlubaŭ u 10.20, naš karespandent Alaksandra Martynienka i Natallu Piatkievič užo nie zaśpieŭ.
— Spaźnilisia vy… Jany ŭžo raśpisalisia i źjechali, — skazała supracoŭnica ZAHSu.
Zahadčyca Domu šlubaŭ, u svaju čarhu, nie stała adkazvać ni na jakija pytańni. A ŭ pryjomnaj Martynienka kamientavać asabistaje žyćcio načalnika admovilisia. Adnak jahony sakratar adznačyŭ, što Alaksandr Ivanavič znachodzicca ŭ adpačynku da 30 sakavika.
Adznačym, što Natalla Piatkievič (Kraŭčanka) užo była zamužam. Jaje były muž Uładzisłaŭ Piatkievič uznačalvaje «Nacyjanalnyja spartyŭnyja łatarei». Ab pryvatnaj bijahrafii žanicha viadoma mieniej. Ahulnaviadoma, što apošnija hady jon źjaŭlajecca namieśnikam Alaksandra Zimoŭskaha. Biełarusam jon znajomy i vizualna, jak viadoŭca i aŭtar tok‑šoŭ Pieršaha kanału «Otvietnyj chod».
Kamientary