«Ludzi žyvuć na rabocie, pamirajuć»: Sajuz mastakoŭ inicyjuje tvorčy konkurs na pomnik biełaruskim miedykam
Pra heta «Našaj Nivie» zajaviŭ staršynia Sajuza mastakoŭ Hleb Otčyk.
Pa słovach Otčyka, mastaki bačać, jakija niaprostyja časy pieražyvajuć ciapier biełaruskija miedyki — mnohija pracujuć sutkami, niechta, na žal, pamiraje ad taho, ad čaho sam lačyŭ pacyjentaŭ.
«Mastaki hatovyja vystupić ź inicyjatyvaj. Pieršym krokam my arhanizujem dabračynny aŭkcyjon pry padtrymcy MZS: kožnamu mastaku prapanujecca pieradać adzin svoj tvor, jaki budzie prapanavany na aŭkcyjonie zamiežnym ambasadam. Srodki pojduć na dapamohu miedycynie. Druhim krokam vystupim z prapanovaj da Ministerstva kultury ab praviadzieńni tvorčaha konkursu na stvareńnie pomnika biełaruskim daktaram, u sieradu hety list budzie dasłany», — skazaŭ Hleb Otčyk.
Pa słovach Otčyka, Ministerstva kultury daśviedčanaje ŭ pytańniach arhanizacyi zboru srodkaŭ, hetaje pytańnie lepš vyrašać praź ich.
Jon taksama dadaje, što inicyjatyva nie vyhladaje zaŭčasnaj, bo konkurs i stvareńnie pomnika — niachutki praces.
«Ad pieršaj ryski eskiza da zryvańnia praściny z bronzy prachodzić da paŭhoda. A taksama konkurc… Hety praces ahułam moža zaniać hod», — dadaŭ jon.
-
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»
-
Troch čałaviek, zatrymanych pa spravie ab «padrychtoŭcy teraktaŭ», pačnuć sudzić u kastryčniku
-
«Za kožnaj pryhožaj karcinkaj staić vialikaja praca». Biełaruska raskazała, jak źniałasia ŭ modnym časopisie Vogue
Kamientary