Jeŭrakamisija dała rekamiendacyi krainam, pry jakich umovach adkryvać miežy, i nazvała try kryteryi
Jeŭrakamisija (JEK) rekamienduje adkryć miežy pamiž krainami — členami Jeŭrasajuza, jakija majuć padobnuju epidemijałahičnuju situacyju, h. zn. dzie raspaŭsiudžvańnie karanavirusa novaha typu znachodzicca pad kantrolem. Pra heta havorycca ŭ zajavie JEK, raspaŭsiudžanaj u sieradu ŭ Bruseli, piša TASS.
«Pakolki dziaržavam-členam atrymlivajecca skaracić raspaŭsiudžvańnie virusa, ahulnyja abmiežavańni na svabodnaje pieramiaščeńnie pavinny być zamienieny bolš metanakiravanymi mierami, — adznačajecca ŭ zajavie. — Kali ahulnaja admiena abmiežavańniaŭ nie apraŭdanaja situacyjaj u halinie achovy zdaroŭja, Jeŭrakamisija prapanuje paetapny i skaardynavany padychod, jaki pačynajecca z admieny abmiežavańniaŭ pamiž rajonami abo dziaržavami-členami z dosyć padobnymi epidemijałahičnymi situacyjami».
U dakumiencie havorycca, što krainy ES pavinny dziejničać, hruntujučysia na troch kryteryjach.
«Heta epidemijałahičny, u pryvatnaści, z fokusam na tyja vobłaści, dzie situacyja palapšajecca, na asnovie ŭkazańniaŭ Jeŭrapiejskaha centra pa prafiłaktycy zachvorvańniaŭ i baraćbie ź imi [ECDC] i z vykarystańniem rehijanalnaj karty, raspracavanaj ECDC», — tłumačyć JEK.
Druhi kryteryj — zdolnaść prymianiać adpaviednyja miery na praciahu ŭsiaho padarožža, u tym liku na pamiežnych pierachodach, uklučajučy situacyi, kali fizičnuju adlehłaść ciažka zabiaśpiečyć. Narešcie, treci kryteryj — ekanamičny i sacyjalny — pieršapačatkova vyznačaje pryjarytetnaść pieramiaščeńnia ŭ ramkach pracoŭnaj dziejnaści i ŭklučaje asabistyja pryčyny.
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna13
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii1919
Kamientary