Pravierku pa fakcie vandalizmu ŭ Kurapatach budzie pravodzić prakuratura Minskaha rajona, paviedamiŭ BiełaPAN adkazny sakratar upravy Kansiervatyŭna‑chryścijanskaj partyi — BNF Aleś Čacholski.
Jak raniej paviedamlaŭ BiełaPAN, viečaram 2 krasavika aktyvist KCHP‑BNF ubačyŭ va ŭročyščy dźvie jamy pamieram mietr na mietr i mietr na dva z pałovaj mietra i hłybinioj u čałaviečy rost. Ź jamy byli vykinutyja čałaviečyja kości, staryja rečy. Da miesca zdareńnia ranicaj 3 krasavika prybyli kiraŭniki KCHP‑BNF, jakija i vyklikali narad milicyi.
Pavodle słoŭ Čacholskaha, supracoŭniki milicyi i prakuratury Minskaha rajona źniali adbitki śladoŭ vakoł raskapanych mahił i ŭziali na ekśpiertyzu častku vykapanych rečaŭ i kaściej.
«Nam dali numar śledčaha, jaki budzie vieści hetuju pravierku. Pavodle jaje vynikaŭ vyrašycca pytańnie ab raspačynańni kryminalnaj spravy», — zajaviŭ sakratar upravy.
Taksama, jak paviedamiŭ Čacholski, KCHP‑BNF maje namier arhanizavać 4 krasavika tałaku ŭ Kurapatach,kab prybrać terytoryju ŭročyšča, pryvieści mahiły ŭ paradak. «My zaprašajem usich nieabyjakavych ludziej dałučycca da hetaj akcyi i pryjści ŭ Kurapaty sa svaim instrumientam», — skazaŭ A.Čacholski.
Pačatak tałaki namiečany na 11 hadzin.
Kamientary