Biełaruś nie maje namieru admaŭlacca ad budaŭnictva AES navat va ŭmovach suśvietnaha finansava‑ekanamičnaha kryzisu. Ab hetym zajaviŭ Alaksandr Łukašenka ŭ čas rabočaj pajezdki ŭ Homielskuju vobłaść,
«Atamnuju stancyju, jak by ni było ciažka, my budziem budavać. Na maim uzroŭni pytańnie ab tym, kab z‑za kryzisu adkłaści budaŭnictva AES na hod‑dva, nie razhladałasia, i my pakul nie źbirajemsia heta adkładać», — padkreśliŭ jon.
«Usia Jeŭropa, dzie ŭ svoj čas «zialonyja» vystupali suprać raźvićcia enierhietyki, idzie siamimilnymi krokami pa šlachu atamnaj enierhietyki. A nam, bačycie, nie treba. Treba! — skazaŭ jon. — Siońnia AES budujuć Kitaj, Rasija, jakija majuć svaju vuhlevadarodnuju syravinu. My ž usie enierharesursy ŭvozim».
«Heta budzie samaje vialikaje dasiahnieńnie našaha z vami pieryjadu. Atamnaja elektrastancyja — heta nie tolki enierhietyka, heta zusim novy ŭzrovień raźvićcia dziaržavy. Nam heta treba. Kryzisy prychodziać i adychodziać. Treba vučyć ludziej novym technałohijam», — skazaŭ Łukašenka.
Kamientary