Navukoŭcy: Piekinski karanavirus nie zaviezieny ź Jeŭropy
Analiz hienomu znojdzienych na aptovym rynku Piekina «Sińfadzi» ŭzoraŭ karanavirusa pakazaŭ, što jany starejšyja za pašyranyja ŭ Jeŭropie ŭ ciapierašni čas štamy, piša tass.ru.
Navukoŭcy adznačyli, što adsačyć dakładny šlach trapleńnia hetaha karanavirusa na Piekinski rynak davoli składana. «Naprykład, virus moh być u partyi zamarožanych praduktaŭ i razam ź joj prybyć z-za miažy i zachavacca. Padčas pieravozki ŭ zamarožanym stanie, virus nie moh evalucyjanavać, tamu ŭ jaho nie adbyvalisia mutacyi».
Raniej kitajskija epidemijołahi śćviardžali, što virus moh być zaviezieny ŭ Kitaj ź jeŭrapiejskich krain. U toj ža čas śpiecyjalisty ličać, što jon bolš virulentny, čym uchański štam.
Kitajskija śpiecyjalisty vyvučyli proby z «Sińfadzi» i vyjavili najbolšuju kolkaść zaražanych karanavirusam tavaraŭ siarod morapraduktaŭ, jałavičyny i baraniny. Simptomy zachvorvańnia raniej za ŭsio vyjavilisia ŭ ludziej, jakija pracavali ŭ siektary pa prodažy morapraduktaŭ, a taksama ŭ jaho pakupnikoŭ. Na dumku epidemijołahaŭ, nizkija tempieratury i vysokaja vilhotnaść spryjajuć doŭhamu vyžyvańniu karanavirusa na pavierchniach. Hetym ža daśledčyki tłumačać padobny scenar uspyški epidemii va Uchani i Piekinie — u abodvuch vypadkach bolšaść zaražanych naviedvali rynki morapraduktaŭ abo mieli znosiny ź ludźmi, jakija byvali tam.
Kamientary