U Kiraŭskim rajonie piensijanierka zhubiłasia ŭ lesie. Jaje šukali try dni
Akazałasia, što jana błaha čuje, maje cukroŭku i nie ŭziała mabilnik
Vypadak apisvaje 112.by.
28 červienia kala 11:00 žychar vioski Stajki i jaho pažyłaja maci pajšli ŭ hryby. U niejki momant jany padzialilisia. Mužčyna viarnuŭsia dadomu i, tak i nie dačakaŭšysia maci, razam sa svaim bratam patelefanavaŭ u MNS u 20:17 taho ž dnia. Vyśvietliłasia, što žančyna pajšła ŭ kirunku vioski Vialenka Kiraŭskaha rajona. Da taho ž žančyna błaha čuje i chvareje na cukrovy dyjabiet. Mabilnaha telefona ŭ jaje pry sabie nie było.
Ratavalniki nieadkładna vyjechali na miesca zdareńnie, u tym liku pošukava-vyratavalnaja hrupa respublikanskaha atrada śpiecyjalnaha pryznačeńnia sa słužbovym sabakam pa mianušcy Habi.
Hrupu ŭznačaliŭ načalnik dziažurnaj źmieny centra apieratyŭnaha ŭpraŭleńnia RASN Jaŭhien Vysocki. Taksama ŭ pošukach byli zadziejničany rabotniki MUS, pradstaŭniki Čyhirynskaha laśnictva, miascovyja žychary i svajaki piensijanierki, a taksama vałanciory pošukava-vyratavalnaha atrada «Simuran» i Mahiloŭskaj abłasnoj arhanizacyi Biełaruskaha tavarystva Čyrvonaha Kryža.
— U pieršy dzień my pračasali lasny masiŭ kala vioski Stajki. Nam udałosia pahutaryć z mužčynam, jaki pakazaŭ nam miesca jaho apošniaj sustrečy z žančynaj u niadzielu kala 16:00, — raspavioŭ Jaŭhien Vysocki.
Pošuki žančyny praciahvalisia 29 červienia, ale ni da čaho nie pryviali, akramia taho, jany ŭskładnialisia prablemami z nadvorjem. Ranicaj aŭtorka, 30 červienia, hrupa praciahnuła pračesvać miascovaść. Da pošukaŭ padklučyli navat kvadrakoptar.
30 červienia na adlehłaści kala 3 kiłamietraŭ ad doma ratavalniki vyjavili źniasilełuju piensijanierku. Žančynu na kvadracykle apieratyŭna dastavili ź lesu ŭ viosku i pieradali miedykam. Paśla ahladu jaje špitalizavali.
— Pa słovach babuli, błukajučy pa lesie, jana čuła ŭdalečyni huki dzikich žyvioł, z-za čaho sprabavała schavacca ad ich, addalajučysia ŭsio dalej i dalej u bok bałota.
Vady i ježy ŭ jaje z saboj nie było, tamu my vyjavili jaje ź vidavočnymi abiazvodžvańniem, pieraachaładžeńniem — a taksama sa množnymi ŭkusami nasiakomych, — reziumuje Jaŭhien Vysocki. Ratavalniki akazali nieabchodnuju dapamohu da prychodu miedykaŭ.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary