Ab hetym zajaviŭ Alaksandr Łukašenka siońnia na sustrečy z Archijepiskapam Mitrapalitam Minska‑Mahiloŭskim Tadevušam Kandrusievičam, jakaja prajšła ŭ katalickaj katedry
«Ja zadavoleny tymi adnosinami, jakija składvajucca pamiž duchoŭnaj i śvieckaj uładami. My robim usio nieabchodnaje, kab hetyja adnosiny ŭzmacnialisia i byli bolš tryvałymi, — padkreśliŭ kiraŭnik dziaržavy. — U nas skłałasia dobraja tradycyja sustrečy prezidenta z pradstaŭnikami asnoŭnych kanfiesij, i jaje nielha parušać».
Alaksandr Łukašenka nahadaŭ, što nie tak daŭno sustrakaŭsia z Patryjarcham Maskoŭskim i ŭsiaje Rusi Kiryłam, jaki šmat havaryŭ pra ŭzajemaadnosiny Pravasłaŭnaj i Katalickaj cerkvaŭ, pra Papu Rymskaha i Mitrapalita Tadevuša Kandrusieviča. «Katalickaja i Pravasłaŭnaja cerkvy pavinny być bližej i tak vyrašać uźnikajučyja pytańni, kab nie razarvać chryścijanskija nici», — padkreśliŭ prezident.
Kiraŭnik dziaržavy adznačyŭ vialiki asabisty ŭkład Tadevuša Kandrusieviča ŭ vybudoŭvańnie dyjałoha z Pravasłaŭnaj carkvoj.
«Vy čałaviek, naceleny na toje, kab było mirna i spakojna ŭ krainie», — skazaŭ Alaksandr Łukašenka.
«My vysoka cenim misiju Katalickaj carkvy», — padkreśliŭ prezident. Jon skazaŭ, što padtrymlivaje namier Rymska‑katalickaj carkvy pa adnaŭleńniu i budaŭnictvu novych chramaŭ. Pavodle jaho słoŭ, Rymska‑katalickaja carkva ŭzvodzić ich chutka, nie zaciahvajučy budaŭnictva.
Tadevuš Kandrusievič u svaju čarhu adznačyŭ, što Carkva pavinna stajać i staić na varcie intaresaŭ ludziej, dapamahaje im. «U hramadstvie šmat prablem, vyrašać jakija ŭsie kanfiesii pavinny sumiesna», — adznačyŭ Archijepiskap Mitrapalit Minska‑Mahiloŭski.
Kamientary