Pavodle łejt-poła, praviedzienaha Ipsos, prezident Andžej Duda atrymaŭ 51 pracent padtrymki, a Rafał Tšaskoŭski — 49 pracentaŭ.
Late poll — heta apytańnie, jakoje ažyćciaŭlajecca ŭ dzień vybaraŭ paśla zakančeńnia hałasavańnia i hruntujecca na vynikach pratakołaŭ, ahučanych u kamisijach, ź jakimi pracavali sacyjołahi.
Łejt poł byŭ apublikavany kala 2 hadzin nočy (3.00 pa Minsku), z 90% kamisij. Chibnaść u hetym daśledavańni składaje 1 pracentny punkt.
Pavodle jaho, Andžej Duda atrymaŭ 51% adabreńnia, a Rafał Tšaskoŭski — 49%.
Paźniej Polskaja vybarčaja kamisija pradstaviła častkovyja źviestki (99,97% učastkach). Andrej Duda nabraŭ 51,21% (10 młn 413 tys. hałasoŭ), a Rafał Tšaskoŭski — 48,79% (9 młn 921 tys. hałasoŭ);
Vybary ŭ Polščy i Biełarusi. Vosiem adroźnieńniaŭ
Duda — pradstaŭnik kirujučaj nacyjanalna-kansiervatyŭnaj kaalicyi PiS; Tšaskoŭski — mer Varšavy, namieśnik kiraŭnika apazicyjnaj libieralnaj «Hramadzianskaj płatformy».
Jaŭka na vybarach skłała 68,9%. Heta rekord dla Polščy, dzie zvyčajna na vybary prychodzić 50—60% vybarcaŭ i niama daterminovaha.
Ekzit-poł, praviedzieny Ipsos na vychadzie z vybarčych učastkach, davaŭ Dudu 50,4%, a Tšaskoŭskamu — 49,6%. Sacyjałahičnaja kampanija źviartała, što chibnaść moža dasiahać 2%.
Pieršy tur prajšoŭ 28 červienia. Duda ŭ im nabraŭ 43,5%, Tšaskoŭski — 30,46%.
Pieršapačatkova vybary pavinny byli prajści ŭ mai, ale ich pieranieśli praz karanavirus. Tady ž u siaredzinie maja Tšaskoŭski byŭ nazvany kandydatam ad apazicyjnaj partyi.
Kamientary