Паводле лэйт-пола, праведзенага Ipsos, прэзідэнт Анджэй Дуда атрымаў 51 працэнт падтрымкі, а Рафал Тшаскоўскі — 49 працэнтаў.
Late poll — гэта апытанне, якое ажыццяўляецца ў дзень выбараў пасля заканчэння галасавання і грунтуецца на выніках пратаколаў, агучаных у камісіях, з якімі працавалі сацыёлагі.
Лэйт пол быў апублікаваны каля 2 гадзін ночы (3.00 па Мінску), з 90% камісій. Хібнасць у гэтым даследаванні складае 1 працэнтны пункт.
Паводле яго, Анджэй Дуда атрымаў 51% адабрэння, а Рафал Тшаскоўскі — 49%.
Пазней Польская выбарчая камісія прадставіла частковыя звесткі (99,97% участках). Андрэй Дуда набраў 51,21% (10 млн 413 тыс. галасоў), а Рафал Тшаскоўскі — 48,79% (9 млн 921 тыс. галасоў);
Выбары ў Польшчы і Беларусі. Восем адрозненняў
Дуда — прадстаўнік кіруючай нацыянальна-кансерватыўнай кааліцыі PiS; Тшаскоўскі — мэр Варшавы, намеснік кіраўніка апазіцыйнай ліберальнай «Грамадзянскай платформы».
Яўка на выбарах склала 68,9%. Гэта рэкорд для Польшчы, дзе звычайна на выбары прыходзіць 50—60% выбарцаў і няма датэрміновага.
Экзіт-пол, праведзены Ipsos на выхадзе з выбарчых участках, даваў Дуду 50,4%, а Тшаскоўскаму — 49,6%. Сацыялагічная кампанія звяртала, што хібнасць можа дасягаць 2%.
Першы тур прайшоў 28 чэрвеня. Дуда ў ім набраў 43,5%, Тшаскоўскі — 30,46%.
Першапачаткова выбары павінны былі прайсці ў маі, але іх перанеслі праз каранавірус. Тады ж у сярэдзіне мая Тшаскоўскі быў названы кандыдатам ад апазіцыйнай партыі.
Цяпер чытаюць
Як 25‑гадовы Алесь уратаваў ад знікнення калекцыю беларускіх экспанатаў. Ён нарадзіўся і вырас у Германіі, але гаворыць па-беларуску1
Каментары