U Kramli da aŭtorka, 28 lipienia, nie viedali pra toje, što Alaksandr Łukašenka pieranios karanavirus i nie atrymlivali adpaviednuju infarmacyju, ale ŭsie rasijskija čynoŭniki, što ź im kantaktavali, zdarovyja, zajaviŭ pres-sakratar prezidenta RF Dźmitryj Piaskoŭ, paviedamlaje «Interfaks».
«Nie, my nie vałodajem nijakaj infarmacyjaj, raniej my nikoli nie čuli i nie atrymlivali infarmacyju pra toje, što Alaksandr Ryhoravič chvareŭ na karanavirus», — skazaŭ Piaskoŭ žurnalistam.
Nahadajem, što napiaredadni Łukašenka paviedamiŭ, što daktary pryjšli da vysnovy ab tym, što jon bieśsimptomna chvareŭ na karanavirus.
«U lubym razie ŭsie rasijanie, ź jakimi jon kantaktavaŭ, usie žyvyja i zdarovyja, usio narmalna», — skazaŭ Piaskoŭ.
U aŭtorak Piaskoŭ zajaviŭ, što ŭ Pucina ŭsio ŭ paradku sa zdaroŭjem.
«Što tyčycca našaha prezidenta, to ŭčora my ŭžo adkazvali, ź im usio dobra, zdaroŭje ŭ paradku, jak vy bačycie, aktyŭna pracuje», — skazaŭ jon.
Pa słovach Piaskova, kiraŭnik dziaržavy praciahvaje prachodzić testavańnie na karanavirus. «Pa miery nieabchodnaści, pa rekamiendacyjach daktaroŭ, viadoma ž, jon testujecca», — skazaŭ pres-sakratar kiraŭnika dziaržavy.
Kiraŭniki Rasii i Biełarusi asabista sustrakalisia 30 červienia na adkryćci pomnika savieckamu sałdatu ŭ Rževie.
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»12
Kačanava prapanavała ŭvieści adkaznaść za «niapraŭdu ŭ tyktoku»
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary