Kryminalnuju adkaznaść za kiravańnie transpartnym srodkam u stanie apjanieńnia ŭ Biełarusi płanujecca ŭzmocnić.Ab hetym paviedamiŭ u intervju karespandentu BIEŁTA staršynia Pastajannaj kamisii Pałaty pradstaŭnikoŭ pa zakanadaŭstvu i sudova‑pravavych pytańniach Mikałaj Samasiejka.
Takaja norma źmiaščajecca ŭ papraŭkach, jakija deputaty rychtujuć da razhladu na siesii ŭ pieršym čytańni.
Pavodle słoŭ Mikałaja Samasiejki, «kiravańnie transpartnym srodkam u niećviarozym stanie — vielmi złabadzionnaja tema».
U adpaviednaści ź dziejučym zakanadaŭstvam asoba, jakaja ŭčyniła takoje pravaparušeńnie pieršy raz, pryciahvajecca da administracyjnaj adkaznaści. U vypadku paŭtornaha parušeńnia na praciahu hoda paśla nakładańnia spahnańnia nadychodzić kryminalnaja adkaznaść. Jana rehulujecca pieršaj častkaj artykuła 317prym. KK pad nazvaj «Kiravańnie transpartnym srodkam asobaj, jakaja znachodzicca ŭ stanie apjanieńnia, pieradača kiravańnia transpartnym srodkam takoj asobie abo admova ad prachodžańnia pravierki». Pakarańnie praduhledžvaje pazbaŭleńnie prava zajmać peŭnyja pasady ci zajmacca peŭnaj dziejnaściu sa štrafam, abo papraŭčyja raboty na termin da 2 hadoŭ z pazbaŭleńniem prava zajmać peŭnyja pasady ci zajmacca peŭnaj dziejnaściu, abo aryšt na termin da 6 miesiacaŭ.
U adpaviednaści z novym zakonaprajektam pieršaja častka artykuła zastajecca bieź źmianieńniaŭ.
Papraŭki ŭnosiacca ŭ druhuju. U ich vyznačana, što tyja ž dziejańni, učynienyja asobaj, jakaja raniej była asudžana pa častcy 1 artykuła 317, pryvodziać da štrafu ad 300 da 1 tys. bazavych vieličyń, abo da papraŭčych rabot na termin da 2 hadoŭ, abo aryštu da 6 miesiacaŭ, abo abmiežavańnia voli da 2 hadoŭ, abo pazbaŭleńnia voli da 2 hadoŭ. Takim čynam, maksimalnaj mieraj pakarańnia zhodna z papraŭkami, što prapanujucca, budzie pazbaŭleńnie voli da 2 hadoŭ.Pavodle dziejučaha ciapier zakanadaŭstva — heta aryšt da 6 miesiacaŭ, rastłumačyŭ Mikałaj Samasiejka. Jon dadaŭ, što «rašeńnie ab tym, jakuju mieru pakarańnia prymianić da parušalnika, budzie vyrašać sud z ulikam kankretnych abstavin»
Ciapier čytajuć
Aryštavany 75‑hadovy Źmicier Sańko — vieteran-vydaviec2
Kamientary