Adzin ź lideraŭ mižnarodnaj maładziožnaj arhanizacyi «Małady front» Ivan Šyła atrymaŭ dazvoł Ministerstva adukacyi na zdaču ekzamienu pa anhielskaj movie.
Adzin ź lideraŭ mižnarodnaj maładziožnaj arhanizacyi «Małady front» Ivan Šyła atrymaŭ dazvoł Ministerstva adukacyi na zdaču ekzamienu pa anhielskaj movie.
Jak paviedamiła BiełaPAN pres‑sakratar «Maładoha frontu» Taćciana Šapućka, I.Šyła pavinien zdavać ekzamien u Lepieli 9 červienia, adnak niama ŭpeŭnienaści, što jon zmoža heta zrabić.
«Ivan nakiravaŭ aficyjny zapyt u Ministerstva adukacyi z prośbaj pryznačyć jamu datu ekzamienu. Jon atrymaŭ adkaz, što data ekzamienu jamu pryznačana. Adnak Ivan ciapier słužyć u armii, i jon źviarnuŭsia ŭ Ministerstva abarony z prośbaj pradastavić jamu adpačynak na čas zdačy ekzamienu. Adkazu pakul niama, tamu zdača ekzamienu pad pytańniem», — skazała T.Šapućka.
I.Šyła 20 krasavika źviarnuŭsia da ministra adukacyi Polščy Katažyny Chal u suviazi ź niemahčymaściu zdać ekzamien na radzimie. U svaim liście jon paviedamiŭ, što byŭ vyklučany sa škoły napiaredadni apošniaha ekzamienu «pa palityčnych matyvach».
«Ja źviarnuŭsia ŭ sud, ale nie zmoh dabicca tam spraviadlivaści z‑za zaležnaści biełaruskich sudździaŭ ad vykanaŭčaj ułady. U lutym 2009 hoda mianie z parušeńniem usich jurydyčnych pracedur i norm nasilnym i niezakonnym čynam zabrali ŭ armiju», — paviedamlałasia ŭ liście I.Šyły.
Jon zaznačyŭ, što znachodzicca ŭ armii, ale maje zakonnaje prava zdać apošni školny ekzamien, ab čym «było paviedamlena pradstaŭnikam uładaŭ padčas pryzyvu». «Kali ž dajšło da spravy, to biełaruskija Ministerstva abarony i Ministerstva adukacyi pačali ŭchilacca ad pradastaŭleńnia mnie hetaj mahčymaści», — paviedamiŭ maładziožny aktyvist.
22 krasavika stała viadoma, što K.Chal zaprasiła I.Šyła zdać ekzamien pa anhlijskaj movie ŭ Polščy.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary