Majstry z Mahiloŭskaj vobłaści pradstavili na śviacie svajo bačańnie mifałahičnaha vobrazu, piša BiełTA.
Adna z łakacyj fiestyvalu sioleta nosić nazvu «Pad pokryvam kupalskaj Bierahini». Hety mifałahičny vobraz uvasablaje žanočy pačatak, abaronu i mahičnuju siłu pryrody. Jon simvalizuje suviaź z vodnaj stychijaj i ziołkami, achoŭvajučy ludziej ad niačystaj siły.
Bierahiniu atajasamlivajuć z Danaj — uładarkaj vod, jakuju šanavali jak śvietłuju i dobruju bahiniu, što doryć žyćcio ŭsiamu žyvomu.
Kožny rajon Mahiloŭskaj vobłaści siońnia pradstaviŭ svoj kaścium Bierahini i aksiesuary da jaho.
«Na śviacie zaŭsiody chočacca jašče bolš ździŭlać haściej, pakazvać im našu kulturnuju spadčynu, — raskazaŭ zahadčyk filijała «Rajonny dom ramiostvaŭ» Chocimska Maksim Mamčanka. — Simvał «Kupalla» — heta Bierahinia. I my pastaralisia pakazać usie našy kulturnyja brendy. Nad stvareńniem kaściuma pracavali try majstry. U asnovie — tkactva i vyšyŭka. Kaścium stvarali lohkim, śvietłym. Bo, kali dumali pra toje, chto takaja Bierahinia, ujaŭlałasia niešta lohkaje, pavietranaje. A jašče ŭ nas cudoŭnaja madel — sapraŭdny prykład biełaruskaj žančyny. Kaścium pradstaŭlaje naša ziamlačka, maci čatyroch cudoŭnych dačok».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary