Novaŭviadzieńnie ŭ homielskim sudzie: pryznaješ vinu — spravu razhladajuć u «skaročanym varyjancie», za chvilinu
U sudzie Centralnaha rajona Homiela sudździa na pasiadžeńni prapanoŭvaje napisać zajavu ab poŭnym pryznańni viny. Pry zhodzie abvinavačanaha sud prachodzić u «skaročanym varyjancie» i rašeńnie nielha abskardzić, piša «Radyjo Svaboda».
24-hadovuju Marynu Skidan sudziła Alesia Osipava. Sudździa pacikaviłasia, ci pryznaje dziaŭčyna vinu, i prapanavała piśmova heta paćvierdzić. Dziaŭčyna pahadziłasia, padpisała papieru, i praź niekalki siekundaŭ sudździa vyniesła rašeńnie: 15 bazavych vieličyń štrafu. Sudździa nie daśledavała dokazy, nie vyvučała materyjały spravy, nie davała vystupić Marynie Skidan. Heta i nazyvajecca «skaročany varyjant».
Sudździa Viktar Kazačok razhladaŭ spravu zatrymanaha inžyniera chimičnaha zavoda Ihara Bachmata. Toj nie padpisaŭ zajavu praz abureńnie ludziej ŭ sudovaj zali i byŭ pakarany aryštam na 8 sutak.
Kamientary