U pres-słužbach prezidenta i premjer-ministra pakul na paćviardžajuć hetaj infarmacyi.
Udzielnikam delehacyi budzie taksama ministr zamiežnych spravaŭ Siarhiej Martynaŭ.
Kiraŭnik pres‑słužby Alaksandra Łukašenki Pavał Lohki
nie paćvierdziŭ «Svabodzie» infarmacyju z Čechii ab tym, što biełaruskuju delehacyju na samicie 7 traŭnia ŭ Prazie ŭznačalić U.Siamaška.
«Ja pakul nie čuŭ publična abvieščanaha rašeńnia. Jakoje budzie rašeńnie — nie viedaju, moža, prezident skaža ab hetym. Pakul ja nie viedaju, chto kankretna pajedzie ŭ Prahu, u mianie takoj infarmacyi niama. Publična hetaje proźvišča pakul nie nazyvałasia».
Pres‑sakratar biełaruskaha ŭradu Alaksandr Cimašenka nie paćvierdziŭ i nie abvierhnuŭ hetuju infarmacyju. U MZS Biełarusi taksama infarmacyju pakul nie kamientujuć.
Jeŭrasajuz pasłaŭ ahulnyja zaprašeńni na samit dla šaści postsavieckich krainaŭ‑udzielnic Uschodniaha partniorstva, pakidajučy spravu piersanalnaha składu delehacyj dla vyrašeńnia samim zacikaŭlenym krainam. U vypadku Biełarusi Brusiel nieadnarazova rabiŭ namioki, što pryjezd Alaksandra Łukašenki ŭ Prahu byŭ by vielmi niazručny dla inšych udzielnikaŭ samitu.
Ciapier čytajuć
Byłyja žonka i dziaŭčyna Pratasieviča abjadnalisia i pryjšli da jaho novaj niaviesty, kab adpomścić. I pahražajuć sudom18
Kamientary