Rubia paćvierdziŭ, što ZŠA mohuć pieranakiravać zbroju, pryznačanuju dla Ukrainy, na Blizki Uschod
ZŠA jašče nie pieranakiroŭvali zbroju, pryznačanuju dla Ukrainy, na Blizki Uschod, ale mohuć heta zrabić, zajaviŭ dziaržaŭny sakratar ZŠA Marka Rubia 27 sakavika ŭ francuzskim aeraporcie Le-Burže, paviedamiŭ telekanał CNN.
«Hetaha jašče nie adbyłosia. Ničoha jašče nie było pieranakiravana, ale heta mahčyma», — skazaŭ jon.
Jon udakładniŭ, što padobnyja pastaŭki zbroi było b niapravilna nazyvać «pieranakiravańniem».
«Heta nie pieranakiravanaja zbroja, heta naša zbroja. Heta prodažy, vajskovyja pastaŭki dla PURL, apłačanyja NATA. I pytańnie ŭ niejki momant zaklučajecca ŭ tym, što kali ŭ nas uźniknie nieabchodnaść — dazvolcie mnie vykazacca jasna — kali ŭ Złučanych Štataŭ uźniknie vajennaja nieabchodnaść, ci to papaŭnieńnie našych zapasaŭ, ci to vykanańnie luboj misii ŭ nacyjanalnych intaresach ZŠA, my zaŭsiody budziem na pieršym miescy, kali havorka idzie pra našu zbroju.
Ja dumaju, heta spraviadliva dla luboj krainy ŭ śviecie, kali tolki hetaja kraina choča vyžyć. Tamu mnie niama čaho abjaŭlać, ja nie mahu skazać, što heta adbyvajecca prosta ciapier, ale heta moža zdarycca», — zajaviŭ Rubia.
Raniej ad čynoŭnikaŭ u administracyi prezidenta ZŠA sajuźnikam pastupali papiaredžańni ab tym, što amierykanskija pastaŭki zbroi va Ukrainu mohuć być prypynienyja ŭ najbližejšyja miesiacy.
Taksama Rubia abvierh słovy prezidenta Ukrainy Uładzimira Zialenskaha pra toje, što ZŠA nibyta patrabavali vyvieści ŭkrainskija vojski z Danbasa ŭ abmien na harantyi biaśpieki.
«Heta chłuśnia. I ja bačyŭ, jak jon heta kazaŭ, i prykra, što jon tak kaža, bo jon viedaje, što heta niapraŭda. Jamu kazali nie heta», — skazaŭ dziaržsakratar ZŠA.
Jon patłumačyŭ, što nasamreč Zialenskamu kazali zusim inšaje:
«Što jamu było skazana vielmi jasna, i jon pavinien byŭ heta zrazumieć, dyk heta toje, što harantyi biaśpieki dajucca tolki paśla zakančeńnia vajny. Ale heta nie było źviazana z umovaj «kali tolki jon nie addaść terytoryju». Ja nie viedaju, čamu jon kaža takija rečy. Heta prosta niapraŭda».
Zialenski: ZŠA chočuć, kab Ukraina vyjšła z Danbasu ŭ abmien na harantyi biaśpieki
ZŠA na pieramovach z Ukrainaj patrabujuć vyvadu vojsk z Danbasa
Zamknionaje koła. Čamu buksujuć pieramovy pra mir va Ukrainie?
Zialenski zaklikaŭ Trampa dla zakančeńnia vajny macniej cisnuć na Pucina, a nie na jaho
Pientahon moža pieranakiravać pastaŭki zbroi, pryznačanaj dla Ukrainy, u Iran
Ciapier čytajuć
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary
1. Zdolnaść vykonvać svaje abaviazki - Red. vydalena.
2. Praca na Kreml - Red. vydalena.
3. Kaštoŭnaść svabodaŭ i pravoŭ čałavieka - Red. vydalena.
))) Da hetaha ŭsiaho ...)))
Ja uzhadał i toje što Rubija u respublikancaŭ był blizki da Makkiejna