Maryja Kaleśnikava zastajecca pad vartaj: sud adchiliŭ skarhu
21 vieraśnia Mienski haradzki sud razhladaŭ skarhu abarony Maryi Kaleśnikavaj na zaklučeńnie jaje pad vartu, piša Svaboda.
Mienski haradzki sud admoviŭ u skarzie abarony Maryi Kaleśnikavaj na mieru strymańnia ŭ vyhladzie ŭ vyhladzie aryštu.
Pra heta Svabodzie paviedamiła advakatka Maryi Kaleśnikavaj Ludmiła Kazak.
«Pryčyny nie byli patłumačanyja sudździoj, kali my atrymajem pastanovu, budziem dalej jaje abskardžvać u Viarchoŭnym sudzie», — skazała Ludmiła Kazak.
Maryja Kaleśnikava ŭdzielničała ŭ pasiadžeńni suda praź videasuviaź, dadała advakatka:
«Jana vyhladała cudoŭna, była badzioraj, vitała ŭsich. I ŭsie ŭ zali adkazali joj hučnymi apladysmentami, što nie spadabałasia sudździ».
U tym liku jana vitała svajho baćku Alaksieja i zachodnich ambasadaraŭ i dyplamataŭ, jakija prybyli na pasiadžeńnie i dačakalisia vyraku. Dyplamaty mieli znački «Svabodu palitviaźniam».
Pakolki sud nie zadavoliŭ skarhu, jakuju padała advakatka Ludmiła Kazak, siabra prezydyjumu Kaardynacyjnaj rady Maryja Kaleśnikava zastaniecca ŭ SIZA.
Maryju Kaleśnikavu zatrymali 8 vieraśnia padčas niaŭdałaj sproby specsłužbaŭ vyvieźci jaje va Ŭkrainu.
Kamientary