U MUS raskazali svaju viersiju incydentu na Dziaržynskaha, kali ludzi ŭ formie bili dubinkami pa mašynie
U MUS raspaviali svaju viersiju incydentu na Dziaržynskaha, kali ludzi ŭ formie bili dubinkami pa mašynie.
Nahadajem, učora na praśpiekcie Dziaržynskaha ŭ Minsku ludzi ŭ formie sprabavali zatrymać aŭtamabil. Jaho praktyčna ŭdałosia zabłakavać, ale kiroŭca zmoh prajechać pamiž śpiecaŭtamabilami. Tady da mašyny kinulisia niekalki dziasiatkaŭ siłavikoŭ, jany stali bić dubinkami. Ale potym mašyna prarvałasia praz natoŭp siłavikoŭ, za joj kinulisia ŭ pahoniu mašyny DAI.
U MUS kamientujuć hety vypadak tak: nibyta pjany minčanin błakavaŭ ruch, a zatym najechaŭ na inśpiektara DAI.
«Uviečary 23 vieraśnia niekatoryja internet-resursy raspaŭsiudzili infarmacyju ab zatrymańni kiroŭcy Volkswagen Passat na staličnym praśpiekcie Dziaržynskaha, pa-svojmu interpretavaŭšy padziei. Supracoŭniki DAI Maskoŭskaha RUUS Minska ŭ składzie dvuch ekipažaŭ pieraśledvali aŭtamabil, jaki spačatku padrezaŭ pasažyrski aŭtobus, a zatym błakavaŭ ruch u rajonie praśpiekta Dziaržynskaha — vulicy Ščorsa», — raspaviała Volha Čamadanava.
Sprabujučy ŭciačy, kiroŭca zajechaŭ na dvarovuju terytoryju pa vulicy Razinskaj. Kali inśpiektar vyjšaŭ sa słužbovaj mašyny i nakiravaŭsia da parušalnika, toj pačaŭ ruchacca zadnim chodam. U vyniku sutyknuŭsia sa słužbovym aŭto, a zatym najechaŭ na dziaržaŭtainśpiektara, paviedamlaje MUS. Z traŭmaj nahi supracoŭnika milicyi špitalizavali.
30-hadovaha minčuka zatrymali i dastavili na ahlad, vyniki jakoha pakazali najaŭnaść ałkaholnaha apjanieńnia, zapeŭnivaje milicyja. U dačynieńni da jaho raspačali kryminalnuju spravu.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada16
Kamientary