Kreml: Admova krain Zachadu pryznać lehitymnaść Łukašenki — umiašańnie ŭ spravy Biełarusi
Admova šerahu dziaržaŭ pryznać Alaksandra Łukašenku prezidentam Biełarusi supiarečyć mižnarodnamu pravu i źjaŭlajecca ŭskosnym umiašańniem va ŭnutranyja spravy hetaj dziaržavy, zajaviŭ pres-sakratar prezidenta Rasii Dźmitryj Piaskoŭ, paviedamlaje Interfax.by.
«My, viadoma, nie vitajem padobnyja rašeńni, jakija byli pryniatyja ŭ šerahu jeŭrapiejskich dziaržaŭ», — skazaŭ Piaskoŭ žurnalistam.
«My ličym, što hetyja rašeńni supiarečać naohuł mižnarodnamu pravu. Hetyja rašeńni, biezumoŭna, nie spryjajuć raźvićciu dyjałohu, i, pa sutnaści, jany źjaŭlajucca ŭskosnym umiašańniem va ŭnutranyja spravy», — rastłumačyŭ Piaskoŭ. Pavodle jaho słoŭ, «takija rašeńni adnaznačna buduć tarmazić i abciažarvać viadzieńnie dyjałohu hetych dziaržaŭ ź Biełaruśsiu».
Piaskoŭ zajaviŭ, što admova šerahu krain pryznavać lehitymnaść Łukašenki nijak nie paŭpłyvaje na stasunki Maskvy i Minska. «U lubym vypadku hetyja rašeńni i pazicyja, zaniataja ŭ dačynieńni da Łukašenki šeraham jeŭrapiejskich krain, nijakim čynam nie mohuć akazać upłyvu na ciapierašni stan i pierśpiektyvy dalejšaha raźvićcia rasijska-biełaruskich adnosin», — skazaŭ jon.
Pa słovach Piaskova, «i Biełaruś, i Rasija — heta suvierennyja krainy, jakija vybudoŭvajuć svaje adnosiny biez ahladki na inšyja dziaržavy».
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje4
Kamientary