«Sumnaja navina pryjšła z ZŠA.
Va ŭzroście 92 hadoŭ ad chvaroby, vyklikanaj karanavirusam, pamior viadomy historyk biełaruskaha nacyjanalnaha, revalucyjnaha i vyzvolnaha ruchu, miemuaryst, hramadski dziejač i piedahoh Barys Samuiłavič Klejn, — piša ŭ fejsbuku Alaksandr Fiaduta. —
Abarvałasia jašče adna nitačka, što źviazvała nas z Vasilom Bykavym i Alaksiejem Karpiukom. Pajšoŭ treci z «hrodzienskaha trochkutnika» 1968 hoda. Čałaviek, jaki zdoleŭ nie skarycca sistemie, adstajać svaju hodnaść i prafiesijnuju reputacyju.
Apošni list ad jaho pryjšoŭ prykładna dva tydni tamu. Jon ščyra pieražyvaŭ za Biełaruś, davaŭ parady, jakimi, na žal, ja nie moh skarystacca, ale jakija ad taho nie stanavilisia mienš słušnymi i kranalnymi.
Pamiać pra Barysa Samuiłaviča zachavajecca ŭ jaho knihach, u miemuarach jaho siabroŭ Bykava i Karpiuka, u šmatlikich archiŭnych dakumientach, ź jakimi jon pracavaŭ i na «pašpartach» jakich zastalisia jaho paznaki.
Syšoŭ mocny, mudry, hordy čałaviek. RIP».
Barys Klejn naradziŭsia ŭ 1928 u Viciebsku (jaho rodny brat — viadomy saviecki historyk Leŭ Klejn), vučyŭsia ŭ Leninhradskim univiersitecie na jurydyčnym fakultecie, karotki čas pracavaŭ u prakuratury, paśla viarnuŭsia ŭ Biełaruś, u Hrodna, dzie paznajomiŭsia i pasiabravaŭ z Vasilom Bykavym i Alaksiejem Karpiukom.
Klejn, vykładčyk historyi, nie chavaŭ svajho staŭleńnia da ŭvarvańnia savieckich vojskaŭ u Čechasłavakiju ŭ 1968. Jaho razam z Vasilom Bykavym u kancy 1960-ch źbivali ŭ Hrodnie nieviadomyja prosta nasuprać adździaleńnia milicyi, ich teraryzavali praz telefon. Klejna sprabavali vierbavać u KDB, a kali nie ŭdałosia — zabrali navukovuju stupień i zabaranili vykładać. Jon vymušany byŭ pracavać jurystkonsultam na harodninnaj bazie.
Viarnuć navukovuju stupień udałosia tolki ŭ kancy 1970-ch. U 1992 Barys Klejn emihravaŭ u ZŠA.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary