Pamior architektar Michaił Vinahradaŭ — adzin z aŭtaraŭ Nacyjanalnaj biblijateki i Čyhunačnaha vakzała
![](http://nnexpictures.fra1.digitaloceanspaces.com/img/w732d4webp1/photos/z_2020_10/p1010032-pz8cs.jpg.webp)
Michaił Klimienćjevič Vinahradaŭ pajšoŭ z žyćcia 29 kastryčnika, jamu było 76 hadoŭ, paviedamlajuć Minsk-naviny.
Michaił Vinahradaŭ naradziŭsia ŭ 1944 h., skončyŭ budaŭničy fakultet Biełaruskaha politechničnaha instytuta ŭ 1968 h., 50 hadoŭ prapracavaŭ u prajektnych arhanizacyjach.
Za hady pracy razam z kalehami sprajektavaŭ bolš za 200 budynkaŭ i zbudavańniaŭ. Siarod samych viadomych rabot — histaryčny muziej «Staražytny Brest» na terytoryi Bresckaj krepaści, kinateatr «Maskva» ŭ Minsku, sanatoryj «Biełaja Ruś» na Naračy, kompleks čyhunačnaha vakzała ŭ Minsku i Nacyjanalnaj biblijateki Biełarusi, budynak «Biełhazprambanka» na vuł. Prytyckaha.
Za prajekty čyhunačnaha vakzała i Nacyjanalnaj biblijateki, raspracavanyja ŭ suaŭtarstvie ź Viktaram Kramarenkam, Michaił Vinahradaŭ dvojčy ŭdastojeny dziaržaŭnaj premii krainy.
Raźvitańnie ź Michaiłam Vinahradavym projdzie siońnia z 13:00 da 13:45 na vuł. Alšeŭskaha, 12.
-
«Vy chto? Pacany ci baby»? Žadańnie atrymać adkaz na heta pytańnie pryviało kiroŭcu z Rečycy na łavu padsudnych
-
Siłaviki ŭvarvalisia ŭ namiotavy łahier pad Pinskam, dzie moładź sabrałasia na rok-kancert
-
Novy pasoł atrymaŭ paŭnamoctvy vice-premjera pa adnosinach z Rasijaj i ciapier adkazvaje za heta hałavoj
Kamientary