Hienprakuratura Rasii pieradała Biełarusi Siarhieja Dzierbianiova — adnaho ź lidaraŭ złačynnaha abjadnańnia, viadomaj jak «banda Marozava», jakaja dziejničała na terytoryi Homielskaj vobłaści z 1980-ch. Biełaruski bok abiacaŭ nie ŭžyvać da jaho vyšejšaj miery pakarańnia, da jakoj byli prysudžanyja niekalki inšych kiraŭnikoŭ bandy. Pieradača adbyłasia ŭ ramkach «zapytu zamiežnych kalehaŭ», paviedamlajuć «Mocnyja naviny».
Siarhiej Dzierbianioŭ abvinavačvajecca ŭ bandytyźmie, udziele ŭ złačynnaj arhanizacyi, niezakonnych dziejańniach u dačynieńni da ahniastrelnaj zbroi, bojeprypasaŭ i vybuchovych rečyvaŭ, vymahalnictvie, machlarstvie, zabojstvach. Usiaho na rachunku «marozaŭcaŭ» dakazanych bolš za 100 złačynstvaŭ, u tym liku 20 zabojstvaŭ.
«Banda Marozava» pačała svajo isnavańnia jašče z 1980-ch na terytoryi Homielskaj vobłaści. I až da 2004-ha ŭ joj byŭ Dzierbianioŭ. Kiravali abjadnańniem Siarhiej Marozaŭ i Michaił Maciuškoŭ.
Siarhiej Dzierbianioŭ byŭ abvieščany ŭ vyšuk. I ŭ 2019-m jaho zatrymali va Uładzivastoku. Pry sabie ŭ jaho byŭ pašpart hramadzianina RF na inšaje imia. Asobu ŭdałosia identyfikavać z dapamohaj daktyłaskapičnaj ekśpiertyzy. Jaho adpravili pad vartu. Tady ž Biełaruś nakiravała zapyt na vydaču.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary