Biełarusy z 16 studzienia 2021 hoda zmohuć bieź viz naviedvać AAE, paviedamlaje MZS.
Ministerstva zamiežnych spraŭ Abjadnanych Arabskich Emirataŭ paviedamiła biełaruskamu boku ab zaviaršeńni ŭnutranych pracedur, nieabchodnych dla ŭstupleńnia ŭ siłu pratakoła ab uniasieńni źmianieńniaŭ u mižuradavaje pahadnieńnie pamiž Respublikaj Biełaruś i Abjadnanymi Arabskimi Emiratami ab uzajemnaj admienie viz dla ŭładalnikaŭ dypłamatyčnych, słužbovych i śpiecyjalnych pašpartoŭ.
«Hety pratakoł na ŭzajemnaj asnovie raspaŭsiudžvaje dziejańnie biaźvizavaha režymu na hramadzian abiedźviuch dziaržaŭ — uładalnikaŭ nacyjanalnych pašpartoŭ. Biełaruski bok ratyfikavaŭ pratakoł raniej, u śniežni 2019 hoda», — adznačyli ŭ MZS.
Pratakoł ustupaje ŭ siłu 16 studzienia 2021 hoda. Z hetaj daty hramadzianie Biełarusi — uładalniki zvyčajnych nacyjanalnych pašpartoŭ — zmohuć ujazdžać, vyjazdžać i pieramiaščacca tranzitam praz terytoryju AAE, a taksama znachodzicca na terytoryi AAE bieź viz na praciahu 90 dzion z daty ŭjezdu.
Anałahičnyja ŭmovy ŭvodziacca i dla hramadzian AAE na terytoryi Biełarusi.
Kamientary