Nastupstvy cykłona «Łars»: bolš jak 2200 nasielenych punktaŭ u krainie bieź śviatła
26 studzienia pa terytoryi krainy prajšoŭ śniežny cykłon «Łars». Asnoŭny ŭdar stychii pryjšoŭsia na Bresckuju, Hrodzienskuju dy Homielskuju vobłaści.
Za minułyja sutki enierhietyki adnavili elektrazabieśpiačeńnie ŭ 1800 nasielenych punktaŭ, jašče ŭ 402 — praciahvajuć pracu, piša tut.by sa spasyłkaj na «Biełenierha».
Abledzianiełyja i zaśniežanyja draty nie vytrymlivali ciažaru śniehu, ich taksama abryvali, padajučy, drevy, što stała pryčynaj adklučeńnia linij elektrapieradačy.
Da adnaŭlenčych i ramontnych rabot sumarna byli pryciahnutyja 1400 čałaviek i 450 adzinak techniki. Dla zabieśpiačeńnia elektryčnaściu sacyjalnych abjektaŭ i nasielenych punktaŭ zadziejničanyja reziervovyja krynicy siłkavańnia.
Pa stanie na 6:00 27 studzienia vialisia raboty pa likvidacyi avaryj u 402 nasielenych punktach.
Kamientary