Za što my (nie) lubim Andželinu Džoli?

Usaŭnaŭleńni-udačkavańni, Bred Pit, pafasnaja aktorskaja ihra, Bili Bob Torntan. My vyrašyli skarystać 34-y dzień narodzinaŭ Andželiny Džoli, kab zrazumieć, čamu my lubim jaje i ŭ adnačaśsie tak lubim nienavidzieć. 5 rečaŭ, jakija nam padabajucca ŭ kinazorcy, i 5, jakija nie.

Čamu nam daspadoby Andželina Džoli?

1. Bo jana ščyraja duša. Pasoł dobraj voli ŭ AAN. Joj sapraŭdy balić za hałodnych dzietak u śviecie, dy jana pierakazvaje proćmu hrošaj na dabračynnaść.

2. Bo jana takaja pryhožaja, a niekatoryja skažuć, što navat daskanałaja. Voś pryhadajcie, kali vy ŭpieršyniu jaje pabačyli: vočy, vusny, hrudzi, spakuślivaja ŭśmieška… Nie tak užo šmat žančynaŭ, jakija stolki razoŭ zajmali miesca samaj zvablivaj i pieknaj žančyny płaniety.

3. Udačkavanyja i ŭsynaŭlonyja dzieci. My, moža, jašče nie viedajem, jak buduć vyhladać jaje budučyja bliźniaty, ale najaŭnyja, usynaŭlonyja - takija zorački jasnyja! Nu, jak takaja mama moža być źnienavidnaj znakamitaściu?

4. Krasunia maje «Oskara», što śviedčyć pra jaje ŭdoranaść i pra toje, što jana starajecca, pracuje nad saboj. Lubić dziaciej i lubić pracavać, a na našu dumku spałučyć karjeru i siamju – niesumnienny pośpiech.

Pavialičyć

5. Bred Pit. Źviała jaho, nie źviała – jakaja roźnica! Jon što, byčok niejki?! Hałoŭnaje, što ciapier jany - zvyšpara, i my ŭ pryncypie nie vinavacim ni Endžy, ni Breda. Jość adčuvańnie, što złučyła ich jakraz najvyšejšaja vola. I varta zaciemić, što Džoli abrała roŭniu: krasunčyka, nie durnoha i nie biez talentu. U dadatak heta jaskrava kaža, što Andželina jasna ŭśviedamlaje svaju pryhažość.

Čamu my lubim nienavidzieć Andželinu Džoli?

1. Daražeńkaja, moža chopić hetyja zakałoty z pakazušnymi pajezdkami pa dobraj voli, z dapamohaj bližniamu i h.d.?! Čałaviectva vas užo i tak palubiła. Vyhladaje dosyć pafasna, pryblizna jak vašaja ž aktorskaja hulnia (a da jaje my jašče dojdziem). Praŭda, Andželina achviaruje vialikija sumy, ale čamu infarmacyja pra hetyja hrašovyja pieravody zaŭsiody traplaje ŭ kožnuju hazietu? Miljony ludziej štodnia robiać achviaravańni i nichto nie piša pra ich. Čamu Andželina pavinna abaviazkova publična paviedamić, što hatovaja sfatahrafavacca ź bliźniatami za šmatmiljonny hanarar, kab pieravieści prybytki ad zdymkaŭ na dabračynnaść? Što, daražeńkaja, nikoli nie čuła pra achviaravańni ŭ sakrecie?

2. I chopić ihrać tak pafasna. Nu i što dastała «Oskara»?! Moža tym hodam inšyja byli prosta horšyja? Andželina, budźcie praściejšaj, i da vas paciahnucca ludzi.

3. Bili Bob Torntan. Chaj darujuć jaho prychilniki, ale što takaja dziaŭčyna, jak Andželina, rabiła pobač ź im? I čamu treba było nasić vybarku jaho kryvi ŭ miedaljonie? Što, na vypadak pieralićcia kryvi, kali jana čarhovy raz zrobić tatujavanku ci svajo ŭlubionaje šnaravańnie na skury? I navat parnahrafičnyja intervju, jakija jana ščodra pastaŭlała presie, u jakich jana raspaviadała dzie i jak jany z Torntanam bavilisia seksam. Varta zaznačyć, što ŭsie vybryki nie dadali joj da žadanaha imidžu «kiepskaj dziaŭčyny», bo jany byli prosta vartymi śmiechu. Ciapier majem, što majem: tatujavanku možna pamianiać ci źvieści, a voś reziume – naŭrad.

Pavialičyć

4. Bred Pit i Dženifier Anistan. Viedajecie, spadarynia Džoli, takich? Jany byli halivudskaj paraj sieryi «Naj»: najpryhažejšyja, najpryjemniejšyja, pakul vy, spadarynia Džoli, nie vyrašyła prysabiečyć pałoŭku hetaha Bre(n)da. Jamu taksama, kaniešnie, treba nadavać pa hałavie, ale heta ŭsio ž vaš dzień naradžeńnia. I nie sprabujcie skazać, što vy pačali sustrakacca ź im paśla taho, jak šlub raspaŭsia, bo ŭ vas ža samoj vyrvałasia, što toje zdaryłasia da razvodu. A kožnaja žančyna zaśviedčyć, što toje zanadta.

Pavialičyć

5. Uvaha! Dla tych, chto prybyŭ tolki što: Andželina Džoli abyšła na kruh samu Opru Ŭinfry, kali pavodle časopisu «Forbs» była abranaja samaj «mocnaj znakamitaściu». Oj, sapraŭdy, jašče adzin niedarečny napyšlivy tytuł — tolki hetaha nam brakavała! Ale: abyści samu Opru, jakuju my lubim nienavidzieć jašče bolš, daje Andželinie siakuju‑takuju pieravahu.

I navat kali paśla hetaha ŭsiaho vy, šanoŭnyja, tak i nie sfarmavali ŭłasnuju mierkavańnie nakont Andželiny Džoli, ci vam prosta niecikava, usio roŭna pahadziciesia, što hetaje dziaŭčo ciažkavata nie zaŭvažyć i tak ci inakš jana vartaja, kab jaje pavišavać z dniom narodzinaŭ.

• 0
• 0
• 0
• 0
• 0
• 0
• 0
• 0