Trom minskim bajkieram, jakija adbili znajomaha ŭ HUBAZiKa, prysudzili da 3 hod kałonii
U sudzie Savieckaha rajona Minska 26 lutaha vyniesieny prysud pa spravie staličnych bajkieraŭ, jakija vyzvalili svajho znajomaha ź milicejskaha aŭtamabila, paviedamlajuć pravaabaroncy.
Na łavie padsudnych — Andrej Ivaniušyn, Mikita Afanaśjeŭ, Mikita Traćciakievič. Usich ich abvinavačvajuć u hvałcie ŭ dačynieńni da supracoŭnikaŭ milicyi pa art. 364 KK RB.
Incydent adbyŭsia 19 vieraśnia kala HC «Jeŭropa», kali nieviadomyja stali zatrymlivać adnaho z matacyklistaŭ, a astatnija pačali jaho abaraniać.
Spravu razhladaŭ sudździa Alaksandr Voŭk. Dziaržabvinavaŭca — prakuror Rabaŭ.
Paciarpiełyja pa spravie — supracoŭniki milicyi Novikaŭ, Ivanoŭ, Piatroŭ i Maksimaŭ.
Ciońnia, 26 lutaha, vyniesieny prysud:
Andrej Ivaniušyn — 2 hady i 6 miesiacaŭ papraŭčaj kałonii ahulnaha režymu.
Mikita Afanaśjeŭ — 3 hady papraŭčaj kałonii ahulnaha režymu.
Mikita Traćciakievič — 3 hady papraŭčaj kałonii ahulnaha režymu.
Afanaśjeva zabrali pad vartu z zały suda.
Taksama Afanaśjeŭ i Traćciakievič abaviazanyja vypłacić kampiensacyju ŭ sumie 2000 rubloŭ adnamu z paciarpiełych.
«Nam po**j. Kali pa rukach nie daduć za niezakonnaje zatrymańnie, možam i babulu razam ź imi zakryć»7
«Nam po**j. Kali pa rukach nie daduć za niezakonnaje zatrymańnie, možam i babulu razam ź imi zakryć»
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary