Ofis Cichanoŭskaj pra videa SK: Śviatłana nikoli nie ŭdzielničała ŭ raspracoŭcy takich płanaŭ
Śviatłana Cichanoŭskaja nikoli nie ŭdzielničała ŭ raspracoŭcy radykalnych płanaŭ pa zachopie budynkaŭ. Tak pres-sakratar eks-kandydata ŭ prezidenty Hanna Krasulina prakamientavała paviedamleńnie Śledčaha kamiteta, paviedamlaje Tut.by.
— Za čas pieradvybarnaj prahramy i miesiacy pratestu paśla vybaraŭ kamanda Śviatłany Cichanoŭskaj kamunikavała i praciahvaje kamunikavać ź vialikaj kolkaściu biełarusaŭ. Častka ź ich zaŭsiody była i praciahvaje zastavacca aryjentavanaj na radykalnyja miery, ale Śviatłana Cichanoŭskaja nikoli nie ŭdzielničała ŭ raspracoŭcy takich płanaŭ. Na apublikavanym videa bačna, što jana pakinuła pakoj, kab nie praciahvać abmierkavańnia. I, jak pakazvajuć bolš za 200 dzion biełaruskaha pratestu, Śviatłana Cichanoŭskaja i jaje kamanda padtrymlivała tolki mirnyja mietady — zajaviła Hanna Krasulina.
Nahadajem, 2 sakavika Śledčy kamitet pieradaŭ u Hienieralnuju prakuraturu dakumienty na ekstradycyju Śviatłany Cichanoŭskaj. SK taksama apublikavaŭ videa, dzie ludzi abmiarkoŭvajuć akcyi pratestu i zachop budynkaŭ dziaržaŭnych orhanaŭ na terytoryi Homiela.
SK pieradaŭ u Hienprakuraturu dakumienty na ekstradycyju Cichanoŭskaj
Prapahadysty zajavili pra razhrom sietki salidarnaści i aryšt jaje ŭdzielnikaŭ4
Kamientary