Amierykanskija navukoŭcy pačali raspracoŭvajuć technałohiju «vyroščvańnia» draŭniny ŭ łabaratoryi biez hleby i soniečnaha śviatła. Kiraŭnica prajekta Ešli Bekvit z Masačusieckaha technałahičnaha instytuta ŭ ZŠA spadziajecca, što ź ciaham času vykarystańnie takoj draŭniny mahło b dapoŭnić tradycyjnyja mietady laśnictva.
Meta hetaha prajekta — znajści sposab vytvorčaści materyjałaŭ dla pramysłovaści, jakija b nie zaležyli ad ziamli i patrabavali mienš času, čym vyroščvańnie drevaŭ.
Z dapamohaj vyrablenaha praz 3d-pryntar hielu navukoŭcy nadajuć raślinnym kletkam patrebnuju formu. Dziakujučy hetamu ŭ budučyni možna było b vyroščvać draŭlanyja detali, jakija dalej mahli b pasłužyć materyjałam dla stvareńnia mebli, piša VVS.
Praca pačałasia z vyroščvańnia maleńkich čaścinak dreva z dapamohaj kletak cynii, kab dakazać, što mietad sapraŭdy pracuje. Bekvit spadziajecca, što ŭ budučyni atrymajecca pavialičyć pamier vyraščanych detalaŭ.
Stvareńnie ŭ łabaratoryi draŭlanaha abjekta pamieram ź nizki stolik zaniało b šmat času, mahčyma, niekalki miesiacaŭ. Adnak heta ŭsio roŭna chutčej, čym vyroščvać zvyčajnaje dreva, na što moža spatrebicca 20 hadoŭ.
Bekvit tłumačyć, što łabaratornaje dreva nie maje tradycyjnaj dla zvyčajnaha dreva ŭnutranaj struktury, jano bolš padobnaje da faniery abo kampazitnaha materyjału. Ciapier technałohija znachodzicca na rańnim etapie raźvićcia, ale na praciahu nastupnaha dziesiacihodździa možna čakać ad jaje realnaha prahresu.
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary