Šerah biełaruskich vytvorcaŭ pryniali rašeńnie časova spynić sproby ŭvozu małočnaj pradukcyi na terytoryju Rasii.
Šerah biełaruskich vytvorcaŭ pryniali rašeńnie časova spynić sproby ŭvozu małočnaj pradukcyi na terytoryju Rasii.
«Na ich dumku, u najbližejšyja dva tydni situacyja nie vyrašycca. Tamu niekatoryja pradpryjemstvy vyrašyli nakiravać pradukcyju z abmiežavanym terminam pryhodnaści na pierapracoŭku, u pryvatnaści, małako — na masła, z metaj zamarozki i nastupnaha składavańnia», — paviedamiŭ BiełaPAN śpiecyjalist u halinie prodažu małočnych praduktaŭ Siarhiej Ihnaćjeŭ.
Jak viadoma, Rasspažyŭnahlad zabaraniŭ uvoz na terytoryju Rasii bolš jak tysiačy najmieńniaŭ biełaruskaj małočnaj pradukcyi ŭ suviazi ź nievykanańniem biełaruskimi pradpryjemstvami patrabavańniaŭ fiederalnaha zakona «Techničny rehłamient na małako i małočnuju pradukcyju» ad 12 červienia 2008 hoda.
***
Na pres‑kanfierencyi ŭ Minsku 11 červienia pasoł Rasii ŭ Biełarusi Alaksandr Surykaŭ paviedamiŭ, što ŭrehulavańniem situacyi ciapier zajmajucca nahladnyja orhany Biełarusi i Rasii, a taksama pradpryjemstvy, što pastaŭlajuć biełaruskija małočnyja pradukty ŭ Rasiju.
«Hałoŭnaje tut, biezumoŭna, abarona spažyŭcoŭ, kab nie atrucilisia ludzi, kab ź imi ničoha nie zdaryłasia, kab kuplali pradukcyju bolš jakasnuju», — zajaviŭ Surykaŭ.
Pasoł čakaje, što situacyja z pastaŭkami biełaruskaj małočnaj pradukcyi na rasijski rynak vyrašycca ŭ najbližejšy čas.Pry hetym jon padkreśliŭ, što nie bačyć «nijakich kalizij» u handli małočnaj pradukcyjaj pamiž Biełaruśsiu i Rasijaj. «Dzie vy tut bačycie kaliziju? Za pieršy kvartał hetaha hoda ź Biełarusi ŭ Rasiju pastupiła małočnaj pradukcyi ŭ pieraliku na małako na 37% bolš, čym u minułym hodzie. Niaŭžo heta kalizija? Heta realii», — zajaviŭ Surykaŭ.
Pavodle jaho słoŭ, isnujuć «niekatoryja prablemy, jakija treba ŭładzić». Dypłamat asabliva adznačyŭ, što adnosiny pamiž ministerstvami sielskaj haspadarki Rasii i Biełarusi «akramia jak dobrymi nie nazavieš». «Usio idzie svajoj čarhoj. Ale presie zaŭsiody cikava musiravać haračyja fakty. Ja ledź nie zachłynuŭsia ŭžo ŭ hetym małace, ščyra kažučy», — adznačyŭ Surykaŭ.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary