Za słova «skaty» pad fota milicyjanieraŭ ciažarnaja žančyna atrymała 1,5 hady chatniaj chimii
U sudzie Frunzienskaha rajona h. Minska 10 sakavika pačaŭsia sudovy praces nad žančynaj, jakuju abvinavačvali ŭ publičnaj abrazie pradstaŭnika ŭłady ŭ suviazi z vykanańniem im słužbovych abaviazkaŭ (art. 369 Kryminalnaha kodeksa). Spravu razhladaŭ sudździa Andrej Mlečka, paviedamlajuć pravaabaroncy.
Zhodna z abvinavačvańniem, žančyna naŭmysna 16 lipienia 2020 hoda z dapamohaj mabilnaha telefona źmiaściła kamientar u sacyjalnaj sietcy «UKantakcie» ŭ hrupie «Maja kraina Biełaruś» na adras staršaha inśpiektara UUS Pružanskaha rajvykankama Siarhieja Kalady i ŭčastkovaha inśpiektara taho ž UUS Tarasieviča, jakija vykonvali svaje słužbovyja abaviazki, napisała słova «skaty».
Vinu abvinavačanaja pryznała častkova.
Žančyna znachodzicca na čaćviortym miesiacy ciažarnaści.
Ranicaj 11 sakavika sudździa Andrej Mlečka padtrymaŭ pazicyju dziaržabvinavačvańnia i ahałasiŭ prysud — pryznać žančynu vinavataj, asudzić jaje da 1 hoda i 6 miesiacaŭ abmiežavańnia voli biez nakiravańnia ŭ papraŭčuju ŭstanovu, a taksama spahnać ź jaje na karyść paciarpiełych kampiensacyju maralnaj škody — 1000 rubloŭ kožnamu i dziaržpošlinu ŭ pamiery 174 rubloŭ.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary