Prezident Tanzanii Džon Mahufuli pamior va ŭzroście 61 hoda. Pra heta ŭ efiry dziaržaŭnaha telebačańnia paviedamiła vice-prezident krainy Samija Sułuchu Chasan, piša meduza.io.
Pavodle jaje zajavy, Mahufuli pamior u balnicy horada Dar-es-Sałamie ad chvaroby serca, na jakuju pakutavaŭ apošniaje dziesiacihodździe.
U suviazi sa śmierciu Mahufuli ŭ krainie abjaŭlena dvuchtydniovaja žałoba. Pavodle Kanstytucyi Tanzanii vice-prezident Chasan budzie pryviedzienaja da prysiahi ŭ jakaści novaha kiraŭnika krainy na astatak terminu kiravańnia Mahufuli, adznačaje BBC News.
Tanzania's vice president announces death of President Magufuli on state TV https://t.co/yUXHjwmCq1 pic.twitter.com/qfgzadrXbl
Apošni raz Džon Mahufuli źjaŭlaŭsia na publicy 27 lutaha. U pačatku sakavika lidary miascovaj apazycyi zajaŭlali, što prezidenta špitalizavali ŭ Kienii z karanavirusam.
Kazali, što Mahufuli admaŭlaŭ kavid. Jon raiŭ lačyć virus malitvami i travoj, a taksama abjaŭlaŭ, što Tanzanija pieramahła epidemiju. U krainie nie publikavalisia statystyčnyja źviestki ab zachvorvańni, a ŭrad admaŭlaŭsia ad zakupak vakcyn.
Mahufuli ŭpieršyniu ŭznačaliŭ Tanzaniju ŭ 2015 hodzie. Praź piać hadoŭ jon byŭ pieraabrany na druhi termin.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary