U Batkienskim rajonie na paŭdniovym zachadzie Kyrhyzstana pačałasia pierastrełka pamiž vajskovymi padraździaleńniami dvuch bakoŭ. U Biškieku śćviardžajuć, što tadžykskija vajskoŭcy pierakinuli da miažy ŭ tym liku minamioty, paviedamlaje RBK.
Usiaho paciarpieli 11 čałaviek, u tym liku mirnyja žychary.
Pry hetym kyrhyzskija ŭłady śćviardžajuć, što ź ich boku punkty propusku na miažy funkcyjanujuć u štatnym režymie i razmova idzie tolki pra ŭzmacnieńnie režymu słužby ŭ pamiežnych častkach.
Zatym da miažy pačali ściahvać vajennuju techniku. Adpaviednaje videa apublikavaŭ Mash u svaim Telegram-kanale.
Na kadry, źniatyja vidavočcami, u pryvatnaści, patrapili bajavyja mašyny piachoty, što iduć da miažy. Akramia taho, pa źviestkach miascovych žycharoŭ, da zony kanfliktu vysunulisia bronietransparciory i źniščalniki.
***
U Biškieku adkaznaść za incydent uskłali na Dušanbe. U Biškieku śćviardžajuć, što mienavita pradstaŭniki Tadžykistana pačali stavić videakamiery na słupie kala punkta raźmierkavańnia vady (što papaŭniaje Tartkulskaje vadaschovišča) u Batkienskim rajonie Kyrhyzstana. Heta vyklikała niezadavolenaść miascovych žycharoŭ i pryviało da sutyčki.
U svaju čarhu, u Dušanbe śćviardžajuć, što kyrhyzskija vajskoŭcy adkryli ahoń pa tadžykskich pamiežnikach, kali tyja znachodzilisia na terytoryi svajoj krainy, u vyniku čaho paciarpieli i mirnyja žychary.
U Tadžykistanie ŭpeŭnienyja, što vodaraźmierkavalny punkt naležyć mienavita im, pakolki mienavita tak paznačana na kartach 1989 hoda. U svaju čarhu, u Biškieku kažuć, što budavaŭsia hety punkt mienavita na srodki Kirhizskaj SSR, a tamu kantralavać jaho pavinny ciapierašnija ŭłady Kyrhyzstana.
Kamientary