У Баткенскім раёне на паўднёвым захадзе Кыргызстана пачалася перастрэлка паміж вайсковымі падраздзяленнямі двух бакоў. У Бішкеку сцвярджаюць, што таджыкскія вайскоўцы перакінулі да мяжы ў тым ліку мінамёты, паведамляе РБК.
Усяго пацярпелі 11 чалавек, у тым ліку мірныя жыхары.
Пры гэтым кыргызскія ўлады сцвярджаюць, што з іх боку пункты пропуску на мяжы функцыянуюць у штатным рэжыме і размова ідзе толькі пра ўзмацненне рэжыму службы ў памежных частках.
Затым да мяжы пачалі сцягваць ваенную тэхніку. Адпаведнае відэа апублікаваў Mash у сваім Telegram-канале.
На кадры, знятыя відавочцамі, у прыватнасці, патрапілі баявыя машыны пяхоты, што ідуць да мяжы. Акрамя таго, па звестках мясцовых жыхароў, да зоны канфлікту высунуліся бронетранспарцёры і знішчальнікі.
***
У Бішкеку адказнасць за інцыдэнт усклалі на Душанбэ. У Бішкеку сцвярджаюць, што менавіта прадстаўнікі Таджыкістана пачалі ставіць відэакамеры на слупе каля пункта размеркавання вады (што папаўняе Тарткульскае вадасховішча) у Баткенскім раёне Кыргызстана. Гэта выклікала незадаволенасць мясцовых жыхароў і прывяло да сутычкі.
У сваю чаргу, у Душанбэ сцвярджаюць, што кыргызскія вайскоўцы адкрылі агонь па таджыкскіх памежніках, калі тыя знаходзіліся на тэрыторыі сваёй краіны, у выніку чаго пацярпелі і мірныя жыхары.
У Таджыкістане ўпэўненыя, што водаразмеркавальны пункт належыць менавіта ім, паколькі менавіта так пазначана на картах 1989 года. У сваю чаргу, у Бішкеку кажуць, што будаваўся гэты пункт менавіта на сродкі Кіргізскай ССР, а таму кантраляваць яго павінны цяперашнія ўлады Кыргызстана.
Цяпер чытаюць
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?18
Каментары