Ułady zadumalisia ab admienie miascovych vybaraŭ u 2022 hodzie i pieranosie ich na listapad 2023 hoda, kab sumiaścić ich z vybarami ŭ parłamient. Takuju vysnovu možna zrabić z publikacyj u dziaržaŭnych ŚMI.
Učora padčas sumiesnaha pasiadžeńnia Pałaty pradstaŭnikoŭ i Savieta Respubliki parłamientaryi abmierkavali mahčymaść uviadzieńnia adzinaha dnia hałasavańnia na vybarach deputataŭ usich uzroŭniaŭ.
Staršynia Minskaha abłasnoha Savieta deputataŭ, člen Savieta Respubliki, člen tak zvanaj kanstytucyjnaj kamisii Natalla Jakubickaja padkreśliła, što pry padtrymcy hramadzianami prajekta abnoŭlenaj Kanstytucyi na refierendumie paŭnamoctvy deputataŭ, abranych u skład miascovych savietaŭ, u studzieni 2022 hoda praciahnucca da adzinych vybaraŭ u Nacyjanalny schod i miascovyja saviety. Heta značyć da listapada 2023 hoda.
Inicyjatyva pa ŭviadzieńni adzinaha dnia hałasavańnia na vybarach deputataŭ usich uzroŭniaŭ dazvolić «nadać stabilnaść palityčnaj sistemie». Pra heta zajaviŭ siabra Kanstytucyjnaj kamisii Siarhiej Siviec u efiry BT.
Člen Pałaty pradstaŭnikoŭ u efiry STB Valancin Siemianiaka zajaviŭ:
— Siońnia, prymajučy rašeńnie ab tym, kab, padkreślivaju, zakanadaŭčym čynam zabiaśpiečyć padaŭžeńnie paŭnamoctvaŭ dziejučych deputataŭ miascovych savietaŭ, my razumieli, što hetaja miera nie prosta pravilnaja, ale heta miera, vyklikanaja časam.
Nahadajem, pa ciapierašniaj Kanstytucyi miascovyja saviety vybirajucca na 4 hady, takim čynam, vybary mielisia prajści nie paźniej za pačatak 2022 hoda.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary