Dvoje dziaciej mihrantaŭ dastaŭlenyja ŭ reanimacyju ŭ Litvie: u Biełarusi ludzi ŭ maskach nibyta dali pa dźvie tabletki
Małaletnich dziaciej u reanimacyju pavieźli z Kabielajskaj zastavy paśla taho, jak u čaćvier ranicaj jany z baćkami pierajšli miažu Biełarusi i Litvy. Baćki skazali litoŭskim pamiežnikam, što pierad pierachodam dzieciam dali zaspakajalnaje. Pa słovach darosłych mihrantaŭ, tabletki dzieciam dali ludzi ŭ maskach, jakija pravodzili nielehałaŭ da miažy ź Litvoj, piša Delfi.
U čaćvier ranicaj pamiežniki Kabielajskaj zastavy zatrymali ŭ Varenskim rajonie 11 hramadzian Iraka i 4 hramadzian Rasii (čačencaŭ). Usich zamiežnikaŭ dastavili na zastavu. Na zastavie darosłyja mihranty paviedamili, što ich dzieci drenna siabie adčuvajuć. Dzieci byli mlavymi, nie mahli havaryć. Pamiežniki vyklikali chutkuju. Lekary pavieźli dziaciej u Alituskuju lakarniu i pakinuli ŭ reanimacyi. Ciapier stan dziaciej aceńvajecca jak stabilny, ich žyćciu ničoha nie pahražaje.
Kamientary