Pryjšli naviny z-za krataŭ ad Alaksandra Fiaduty. Miarkujučy pa ŭsim, nastroj u viadomaha žurnalista, palitołaha i fiłołaha badziory, piša «Narodnaja vola».
Kali chtości sa škadavańniem łović apošnija tydni leta, dyk Alaksandr Iosifavič stavicca da hetaha zusim pa-inšamu:
«Voś pra što ja dakładna nie škaduju, dyk heta pra ciapierašniaje leta. Jano dałosia mnie vielmi ciažka. Haračynia była amal nievynosnaja. 28 červienia, naprykład, u samy razhar śpioki, navat pačaŭ hublać prytomnaść… Zaraz, dziakuj Bohu, mnie lahčej».
Fiaduta imkniecca padtrymlivać siabie ŭ tonusie i nie hublaje pačućcio humaru: «Padčas špacyraŭ pa našym bietonnym dvoryku ŭmudrajusia rabić niejkija fizičnyja praktykavańni, demanstrujučy čajkam, jakija pralatajuć nad hałovami ź dzikim rohatam, što ja ŭsio jašče ŭ formie».
Niahledziačy na zmročnyja abstaviny, viadomy fiłołah vynošvaje peŭnyja tvorčyja płany — abdumvaje knihu ab padziejach, jakija adbyvalisia ŭ Paŭnočna-Zachodnim krai Rasijskaj impieryi paśla parazy paŭstańnia 1863 hoda, hruntujučysia na ŭspaminach adnaho z čynoŭnikaŭ kancylaryi hienierał-hubiernatara Muraŭjova.
«U sukupnaści atrymajecca cudoŭnaja kniha, značnaja častka jakoj budzie apublikavana ŭpieršyniu», — upeŭnieny Fiaduta.
Alaksandr Fiaduta byŭ aryštavany 12 krasavika ŭ Maskvie. Jon razam z Ryhoram Kastusiovym, jurystam z ZŠA Juryjem Ziankovičam, Iharam Makaram i niekalkimi inšymi asobami staŭ fihurantam kryminalnaj spravy ab «zmovie z metaj zachopu ŭłady niekanstytucyjnym šlacham».
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary