Zrabili heta na piŭzavodzie «Krynica».
AAT «Krynica» pieršym u Biełarusi vypuściła ciomnaje pšaničnaje niefiltravanaje piva.
Pra heta paviedamiła Ahienctva dziełavych suviaziaŭ sa spasyłkaj na kiraŭnictva pradpryjemstva. Raniej na biełaruskim rynku prysutničała tolki impartnaje piva takoha typu.
Jak paviedamiŭ hienieralny dyrektar AAT «Krynica» Ryhor Piatkievič, 10 lipienia raźlita ŭ butelki pieršyja 2 tys. dekalitraŭ novaha hatunku piva «Kult pšaničnaje ciomnaje».
Dla novaha hatunku AAT «Krynica» padrychtavała i novuju formu butelki. Jak i inšyja hatunki piva, što vypuskaje AAT «Krynica», novy hatunak zvarany z naturalnych kampanientaŭ pa tradycyjnych technałohijach pivavarstva biez vykarystańnia zamutnialnikaŭ, stabilizataraŭ i kansiervantaŭ.
U skład piva «Kult pšaničnaje ciomnaje» ŭvachodziać vada, jačmienny śvietły soład, pšanica, pšaničny karamielny soład, chmiel.
Ščylnaść ekstraktyŭnaha susła skłałaje 12%. Pšaničny karamielny soład nie vyrablajecca ŭ Respublicy Biełaruś, tamu pivavary vykarystoŭvajuć impartny. Jak śćviardžajuć dehustatary, novy hatunak piva maje «miakki smak sa słabaj chmielevaj harkatoj, fruktova‑efirnym vodaram, adcieńniem i vodaram vostrych śpiecyj i pšaničnaha karamielnaha soładu».
Najbolš viadomymi vytvorcami hatunkaŭ ciomnaha pšaničnaha piva źjaŭlajucca Bavaryja (FRH) i Bielhija.
***
Piŭzavod «Krynica» stvorany ŭ 1975 hodzie, u 1992‑m pieraŭtvorany ŭ arendnaje pradpryjemstva, u 2001‑m — AAT. U skład AAT «Krynica» akramia piŭzavoda ŭ Minsku ŭvachodziać Niaśvižski zavod pa vytvorčaści napojaŭ i pradpryjemstva «Połackaje piva».
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć10
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary