«Aficyjnaja pryčyna — za kancertnuju dziejnaść». Zvolnili dyrektara viciebskaj škoły, jakoha prymusili pierapisać vybarčy pratakoł
Zvolnili dyrektara viciebskaj škoły №44 Siarhieja Pitalenku. Na minułych vybarach jon byŭ staršynioj vybarčaj kamisii, jakuju administracyja rajona schilała pierarabić pratakoł. «Naša Niva» źviazałasia z byłym dyrektaram.
«Mianie zvolnili paŭtara miesiaca tamu, — kaža jon. — Aficyjnaja pryčyna — za kancertnuju dziejnaść u pracoŭny čas. Treba skazać, što ja daŭno viadu roznyja mierapryjemstvy ŭ rajonie, heta ŭsim viadoma i raniej nikoha nie turbavała. Ciapier paličyli, što heta parušeńnie pracoŭnaha zakanadaŭstva i abaviazkaŭ dziaržaŭnaj asoby. Ja choć i nie byŭ čynoŭnikam, ale pryraŭnavany da jaho».
Pakul Siarhiej Pitalenka adpačyvaje.
«U škołu ŭładkavacca naŭrad ci atrymajecca. Budu razhladać inšyja varyjanty. Dziakuj bohu, kancoŭku leta pravioŭ z dačkoj, čaho nikoli nie było raniej», — uśmichajecca jon.
«Ja 11 hadoŭ uznačalvaŭ škołu. A naohuł 29 hadoŭ u adukacyi. Heta pavinna było być tryccataje 1 vieraśnia dla mianie», — zaŭvažaje Siarhiej.
Siarhiej Pitalenka byŭ staršynioj vybarčaj kamisii № 25. U sieciva trapiła aŭdyja, jak staršynia Kastryčnickaha rajona Viciebska Siarhiej Stašeŭski ŭhavorvaŭ ich pamianiać miescami kolkaść hałasoŭ za Cichanoŭskuju i Łukašenku. Pradstaŭniki kamisii aburalisia, jak jany buduć hladzieć u vočy vybarcam, a čynoŭnik raskazvaŭ, što siońnia — inšyja zadačy. U vyniku pratakoł pierapisali.
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku45
Kamientary