Novym kancleram Aŭstryi stanie dypłamat Alaksandar Šalenbierh, jaki ŭznačalvaŭ MZS va ŭradzie Siebaśćiana Kurca. Uviečary ŭ niadzielu prezident Alaksandr Van der Belen, vystupajučy pierad žurnalistami ŭ Vienie, paćvierdziŭ, što 11 kastryčnika pryviadzie jaho da prysiahi.
«Ciapierašni ŭradavy kryzis skončany, — zajaviŭ kiraŭnik aŭstryjskaj dziaržavy. — Praca na karyść našaj krainy moža być praciahnutaja». Pa słovach Van der Bielena, jon užo pierahavaryŭ z Šalenbierham, a taksama vice-kancleram Aŭstryi Viernieram Kohleram, i tyja zapeŭnili jaho, što «dla dalejšaj sumiesnaj pracy va ŭradzie Aŭstryi jość ustojlivy padmurak», piša Deutsche Welle.
Jurystu, prafiesijnamu dypłamatu Alaksandru Šalenbierhu 52 hady, jon vałodaje niekalkimi zamiežnymi movami. Ličycca, što jon šmat u čym padtrymlivaje kurs eks-kanclera Aŭstryi Kurca — asabliva ŭ tym, što tyčycca prablem mihracyi.
Uviečary 9 kastryčnika Siebaśćian Kurc, suprać jakoha byli vystaŭlenyja abvinavačvańni ŭ karupcyi, abviaściŭ ab adstaŭcy z pasady kanclera Aŭstryi. Ciapier jon źbirajecca ŭznačalić frakcyju Aŭstryjskaj narodnaj partyi (ANP) u parłamiencie krainy. Abviaščajučy ab svaim zychodzie z pasady kiraŭnika ŭrada, Kurc paviedamiŭ, što prapanavaŭ Alaksandru Van der Bielenu kandydaturu Alaksandra Šalenbierha jak svajho pierajemnika.
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje66
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje6
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ99
Kamientary