Staŭleńnie da kanstytucyjnaha ładu i antydziaržaŭnyja prajaŭleńni. Stała viadoma, što buduć pisać u pracoŭnych charaktarystykach
Što buduć pisać u charaktarystycy kiraŭnikoŭ i supracoŭnikaŭ dziaržaŭnych arhanizacyj? Pastanovaj urada ad 14 kastryčnika 2021 hoda №585 vyznačana forma hetaj charaktarystyki (dadatak da niadaŭna pryniataha dekreta №6).
Voś asnoŭnyja momanty, jakija buduć adlustroŭvacca ŭ dakumiencie:
- prafiesijnyja i dziełavyja jakaści rabotnika (kampietentnaść, pracazdolnaść, vykanaŭčaść, inicyjatyŭnaść, imknieńnie pavyšać svoj prafiesijny ŭzrovień);
- maralnyja jakaści (adkaznaść, prystojnaść, aktyŭnaść);
- udzieł rabotnika ŭ sacyjalna-hramadskim žyćci kalektyvu, jaho ŭzajemadziejańnie z najmalnikam, prafsajuzam pa rašeńni aktualnych pytańniaŭ dziejnaści arhanizacyi;
- dyscyplinarnyja spahnańni na praciahu apošniaha hoda da daty vydačy charaktarystyki (da daty zvalnieńnia);
- pryciahnieńnie rabotnika da materyjalnaj adkaznaści;
- staŭleńnie da dziaržaŭnych i hramadskich instytutaŭ, kanstytucyjnaha ładu;
- dziejańni suprać paradku kiravańnia i hramadskaj biaśpieki, najaŭnaść antydziaržaŭnych prajaŭleńniaŭ rabotnika na pracoŭnym miescy.
Takuju charaktarystyku buduć patrabavać pry pryjomie na pracu ŭ dziaržaŭnyja orhany i arhanizacyi, a taksama arhanizacyi, bolš za 50% doli jakich znachodzicca ŭ dziaržaŭnaj ułasnaści.
Kamientary