Sud Minskaj vobłaści 22 lipienia vynies vyrak zabojcam rabotnikaŭ SVK «Balšavik Ahra» (Salihorski rajon). Adzin z złačyncaŭ asudžany da śmiarotnaha pakarańnia — inšy da pažyćciovaha źniavoleńnia
Sud Minskaj vobłaści 22 lipienia vynies vyrak zabojcam rabotnikaŭ SVK «Balšavik Ahra» (Salihorski rajon). Adzin z złačyncaŭ asudžany da śmiarotnaha pakarańnia — inšy da pažyćciovaha źniavoleńnia, paviedamlaje BIEŁTA.
Asudžanyja arhanizavali 27 lutaha kala vioski Kryvičy zasadu na mašynu z hrašyma dla rabotnikaŭ miascovaha sielhaspradpryjemstva. Złačyncy padrabiazna padrychtavali płan napadu. Lehkavik naparoŭsia na zahadzia ŭstalavanyja samarobnyja kalučki. Mašynu raźviarnuła ŭpopierak darohi.
Niepadalok ad miesca złačynstva napadniki razabrali i vykinuli zbroju, sotavyja telefony i pazbylisia vopratki.Byli zabityja hałoŭny ekanamist haspadarki, a taksama kiroŭca. Z sałonu napadniki zabrali 73 miljony rubloŭ — zarobak pracaŭnikoŭ tutejšaha SVK.
Spravu raskryŭ zvyčajny ŭčastkovy z Salihorskaha rajonu. Jon byŭ vyklik na dom u suviazi sa svarkaj muža i žonki. I ŭčastkovy ŭbačyŭ abutak, jaki supadaŭ z tym, što byŭ zafiksavany na miescy złačynstva. Pa spravie byli aryštavanyja try čałavieki. Adzin ź ich pražyvaŭ z žančynaj, jakaja viedała praceduru pryvozu hrošaj. Darečy, hetaja žančyna atrymałasia 13 hadoŭ turmy za dapamohu ŭ padrychtoŭcy.
Nahadajem, 23 červienia Parłamienckaja asambleja Savietu Jeŭropy pryniała rašeńnie, što Biełarusi budzie viernuty status śpiecyjalnaj zaprošanaj u arhanizacyi tolki paśla ŭviadzieńnia maratoryja na śmiarotnaje pakarańnie. Tym nie mienš heta ŭžo druhi śmiarotny prysud vyniesieny ŭ Biełarusi paśla pasiadžeńnia PARIE.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary