aściarožna: žorstkaje videa!
U Homieli chłopiec na samakacie jechaŭ pa sustrečnaj pałasie — jaho źbiŭ hruzavik
Ranicaj 23 kastryčnika mužčyna na samakacie ruchaŭsia pa prajeznaj častcy i sutyknuŭsia z hruzavikom. Pra heta paviedamlaje «ČP Homiel», incydent trapiŭ na videa vidavočcy.
Pavodle infarmacyi vydańnia, DTZ zdaryłasia kala 7 ranicy na abjaznoj darozie z boku piataha mikrarajona ŭ napramku Homielskaha mikrarajona Chutar.
Miarkujučy pa videa, mužčyna na elektrasamakacie jechaŭ pa sustrečnaj pałasie. Zapis zrabiŭ matacyklist, jaki spyniŭsia i zrabiŭ zaŭvahu kiroŭcu samakata. Praź ličanyja siekundy mužčynu na samakacie źbiŭ hruzavik.
Paciarpieły špitalizavany ŭ reanimacyjnaje adździaleńnie, a pa fakcie DTZ pravodzicca pravierka, paviedamili vydańniu «ČP Homiel» u DAI horada.
Kamientary