Žychara Baranavičaŭ asudzili na dva hady «chimii» za sarvany z budynka dziaržaŭny ściah
U sudzie Baranavickaha rajona i horada Baranavičy 25 kastryčnika vynieśli prysud Alaksandru Bakunoviču, jakoha vinavacili ŭ ździeku ź dziaržaŭnych simvałaŭ (art. 370 KK).
Zhodna z abvinavačvańniem, u noč na 13 lipienia 2021 hoda Alaksandr Bakunovič «naŭmysna schapiŭ za dreŭka ściaha, jaki znachodziŭsia ŭ kranštejnie na budynku ŽREU, pałamaŭ jaho na dźvie častki, paśla panios ściah da doma №17 pa vuł. Nakaniečnikava i kinuŭ jaho na ziamlu». Naniesienaja škoda ŽREU ad učynku abvinavačanaha skłała 4 rubli 70 kapiejek (za złamanaje dreŭka), paviedamlajuć pravaabaroncy.
Alaksandr Bakunovič pryznaŭ vinu całkam. Raspavioŭ, što viečaram 12 lipienia sustreŭsia sa znajomymi, vypivaŭ piva, paśla išli kala budynka ŽREU i abvinavačany pabačyŭ fłah, vyrašyŭ źniać i pamachać im. Adznačyŭ, što nie mieŭ nijakaha drennaha namieru. Kali Alaksandr źniaŭ ściah, to pabačyŭ, što dreŭka złamałasia, spužaŭsia adkaznaści, tamu skruciŭ pałatno i panios jaho dalej. Naniesienuju škodu spłaciŭ u pamiery 27 rubloŭ, chacia ściah byŭ viernuty.
Padčas sprečak bakoŭ prakuror Uładzimir Karačun zaprasiŭ pakarańnie dla abvinavačanaha ŭ vyhladzie dvuch hadoŭ «chimii». Advakatka kazała, što zajaŭleny dziaržabvinavačvańniem termin vielmi surovy, prasiła vyzvalić Bakunoviča ad kryminalnaj adkaznaści i pryciahnuć jaho da administracyjnaj adkaznaści ŭ vyhladzie štrafa ŭ minimalna mahčymym pamiery.
U vyniku sudździa Mikałaj Kmita pastanaviŭ pryznać Bakunoviča vinavatym i pryznačyć jamu pakarańnie ŭ vyhladzie abmiežavańnia voli z nakiravańniem u papraŭčuju ŭstanovu adkrytaha typu terminam na dva hady
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič16
Kamientary