Vice-premjeram krainy, adkaznym za siłavyja viedamstvy, pryznačany Juryj Roška.
Napiaredadni pieravybaraŭ lider kirujučaj Partyi kamunistaŭ pryznačyŭ vice-premjeram krainy, adkaznym za siłavyja viedamstvy, Juryja Rošku. Roška ŭznačalvaje Chryścijanska-demakratyčnuju narodnuju partyju Małdovy (CHDNP), pierajemnicu Narodnaha Frontu krainy.
Roška — palityk, jaki zrabiŭ sabie imia na radykalna antyrasiejskaj rytorycy.
Na krasavickich vybarach CHDNP upieršyniu nie pieraadoleła vybarčaha barjeru. Bolšaść jaje vybarcaŭ pieraciakli da naviejšaje Libieralnaje partyi, što spałučaje nacyjanalnyja łozunhi z prajeŭrapiejskaj pazicyjaj. 30-hadovy lider libierałaŭ Doryn Kirtaake pieramoh na vybarach u mery Kišyniova.
U krasaviku kamunisty sabrali 50% hałasoŭ, a try pravyja i centrysckija partyi — kala 33%. Hetaha było dosyć, kab błakavać abrańnie prezidenta ŭ parłamiencie. Pavodle małdaŭskaj kanstytucyi, za prezidenta musić być padadzieny 61 hołas, a kamunisty atrymali tolki 60 i nie znajšli sajuźnika.
8 krasavika 2009 hodu — na nastupny dzień paśla biesparadkaŭ u Kišyniovie — lider CHDNP vystupiŭ z zajavaj, što bunt 7 krasavika byŭ arhanizavany Rasiejaj.
Najbližejšy daradca prezidenta Małdovy Mark Tkačuk u pryvatnych razmovach taksama vykazaŭ dumku, što za biesparadkami stajali siły jak z Rumynii, tak i z Rasii, a taksama mižnarodnyja arhanizacyi, źviazanyja z ZŠA. Rumynija zacikaŭlenaja ŭ dałučeńni Małdovy, tady jak Rasija raźličvaje ŭ vypadku takoha kroku atrymać lehitymnyja padstavy dla źmianieńnia paślavajennych miežaŭ i anieksii Prydniastroŭja.
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika88
Kamientary