Raniej možna było atrymać albo kryminalnuju adkaznaść za hibiel žyvioły — albo ničoha.
U Biełarusi ŭvodzicca administracyjnaja adkaznaść za žorstkaje abychodžańnie z žyviołami i, asobna, za ich vykidvańnie. Da hetaha padobnyja dziejańni mahli padpadać tolki pad kryminalny artykuł — i to ŭ vypadkach, kali jany pryvodzili da hibieli abo kalectva žyvioły.
Raniej dziejničaŭ tolki artykuł 339¹ Kryminalnaha kodeksa, jaki praduhledžvaŭ pakarańnie za žorstkaje abychodžańnie z žyviołaj, kali heta pryviało da jaje śmierci abo kalectva. Za heta mahli pryznačyć aryšt abo chimiju da dvuch hadoŭ, a pry paŭtornaści abo hrupavych dziejańniach — da čatyroch hadoŭ chimii ci kałonii.
Ciapier ža ŭ Kodeks ab administracyjnych pravaparušeńniach uvodzicca artykuł 19.14, jaki achoplivaje bolš šyrokaje koła situacyj:
— za žorstkaje abychodžańnie z žyviołaj biez nastupstvaŭ u vyhladzie hibieli abo kalectva praduhledžany štraf da 15 bazavych vieličyń (siońnia bazavaja — 45 rubloŭ).
— za vykidvańnie žyvioły — štraf ad 10 da 30 bazavych vieličyń.
— za žorstkaje abychodžańnie, jakoje vyražajecca ŭ katavańni abo pryviało da hibieli ci kalectva, — štraf ad 20 da 30 bazavych, abo hramadskija raboty, abo aryšt da 15 sutak.
Što takoje «vykidvańnie žyvioły»? Heta faktyčnaje pakidańnie hadavanca, a taksama niepadača zajavy ab źniknieńni zarehistravanaj žyvioły ciaham troch dzion.
Takim čynam, ułady faktyčna zapaŭniajuć pramiežak pamiž adsutnaściu adkaznaści i kryminalnym pieraśledam — i ŭpieršyniu ŭvodziać asobnaje pakarańnie za sam fakt vykidvańnia chatnich žyvioł.
Novaja norma zapracuje praz dva miesiacy.
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni4
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2323
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»23
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
Košaċji i sobaċji prijuty sozdavať nado kak za Buhom... I hosudarstvo obiazano pomoċ, a nie spaivať Biełarusov i tratiť dieńhi na vojnu v Ukrainie.
- Svojskija žyvioły — heta vidy, jakija byli pryručany čałaviekam šmat stahodździaŭ tamu i žyvuć ź im na praciahu mnohich pakaleńniaŭ. Jany prynosiać praktyčnuju karyść (charčavańnie, syravina, dapamoha ŭ pracy). Da ich adnosiacca karovy, koni, aviečki, śvińni, a taksama kury ci husi. Jak adznačaje resurs Vallalar.Net, takich žyvioł nieabchodna karmić i dahladać dla zabieśpiačeńnia patreb haspadarki.
- Chatnija žyvioły (abo chatnija hadavancy) — heta žyvioły, jakija žyvuć niepasredna ŭ pamiaškańni z čałaviekam (kvatery ci chacie) pieravažna dla zadavalnieńnia, kampanii abo emacyjnaj padtrymki. Siudy adnosiać katoŭ, sabak, papuhajaŭ, chamiakoŭ i dekaratyŭnych ryb.